مصـــدومة فيــــك

مصدومة فيك أوى ومش لاقية كلام أقوله



أصل جرحك كان قوى مسابليش كلام أقوله



ومش قادرة أعاتب فيك أصل كان بنا حب أصونه



معملتش حساب يوم انك هتقف ادام اللى خالقك



لأ ازاى وشكلك ادام الناس هو كل اللى قالقك



انك متبنش ضعيف وان كل البنات هتموت عليك



.. دا أهم حاجة عندك



كنت بتكدب وتمثل مش عارفة دا من ايه دا قلبك !!



ذنبى أنا حبيتك وجزاتى انجرحت منك



معتش عايزة اسمع سيرتك ولا حد يكلمنى عنك



خلاص تقدر تقول كرهتك خلاص قلبى مَلَْك



لا هفضل أفكر فيك ولا أوصف فى ملامحك



ولا هشتاق لنظرة عنيك وأصبر قلبى اللى حبك



أصلك متستاهلش ولا يستاهلنى قلبك



معتش تسوى فى عينى حاجة كدا كلك على بعضك



ما أنا مش هفضل ملاك وانت دايسنى تحت رجلك



امشى وابعد واجرح فيا واظلمنى براحتك



أنا فاض بيا خلاص وتعبت من انى أعاتبك



روح عيش حياتك وحب تانى وتالت ماهى حياتك لوحدك



بس بجد أنا بشفق عليك



أصلك تافه أوى ... ولا محدش لسه قالك ؟؟



فوضت أمرى لربى هو بقا اللى يسامحك



بس أنا .. مش هقدر أسامح ..معلش يا غالى



كــــان صــــــعب جرحـــــــــك

وائل غنيم والماسونية

كنت تصفح بعض صفحات الأنترنت خلال هذه الأيام وقد وجدت شىء قد جذب انتباه وجعلنى اندهش كثيرا من جراء كمية المواضيع المتعلقه بهذا الخبر أو هذه الإدعائات والإتهامات اذا صح التعبير.

وما أتحدث عنه هو انتشار اقتران اسم ناشط الثورة المعروف "وائل غنيم" بالماسونية وإطلاق عليه لقب ماسونى وصهيونى وعميل ! فى الكثير من المقالات فى المنتديات المعروفة وأيضا صفحات الفيس بوك كما حملت عدة جروبات أسماء متعدده لتصفه بالعميل و الماسونى او العلمانى او "وائل احنا شاكين فيك" !

ولكن حالى كحال أشخاص كثر سيتعجبون عند قراءه هذه الكلمة لذا اضطررت للبحث عنها فى عدة مراجع وعدة أخبار ومقالات نُشرت لتتحدث عن الماسونية.

وهذا ملخص صغير عن هذا المصطلح..

الماسونية لغوياً تعرف "بالبناءون الأحرار" وفى الإصطلاح هى منظمة يطلق عليها البعض انها يهودية صهيونية।ولكن يتفقوا جميعا انها سرية غامضة خاصة فى شعائرها وكيفية الإنضمام لها وما يحمله من طقوس غريبة.

يعتقد البعض انها تهدف الى السيطره على العالم عن طريق وسائل الإعلام،والإقتصاد العالمى والتغلغل فى صفوف الكنيسة الكاثوليكية،وحسب "الموسوعة الكاثوليكية الحديثة" فإن طوائف مثل "شهود يهوه" و"المورمون" وتيارات "شيوعية" و"اشتراكية" و "الثورة الفرنسية"وحركة "مصطفى كامل أتاتورك" ما هى إلا تيارات ماسونية.

ومما لا شك فيه أن كل هذه الهالة الغريبة التى توجد حول هذا العلم الماسونى جعلته محط الكثير من الأنظار والشائعات بأن هذه المنظمة بسعة انتشارها تمكنها من الوصول إلى معظم الحكومات العالمية القوية التى تملك زمام قيادة العالم لذلك يتهم البعض الماسونية بأنها محاربة للفكر الدينى وناشرة للفكر العلمانى.

ولقد ربط الكثير من الكتاب والشباب هذه الأيام بين هذا العلم والناشط"وائل غنيم" واتهموه بالماسونية وانه بهذا فهو يتبع اليهود ويشجع العلمانيه وبذلك فهو آفه خطيره على مجتمعنا , والمثير للسخرية هو محاولة معرفة لما فكروا فى "وائل" بهذا الطريقة ؟.وكانت المفاجأه بأنه .. يلبس حظاظة دائما لونها أخضر وظهر بها كثيرا فى مقابلات على التلفزيون أو فى التحرير أو فى صور شخصية

وأيضا يرتدى تى شيرتات عليها رمز الأسد ومكتوب أسفله "أسكوتش" اى "اسكتلندا" الذى تعتبر منشأ الماسونية.

وانها يشير بعلامة النصر بيديه .. علامة V

وأنه أغمض عينيه عند أداء النشيد الوطنى।

وأنه فرح فرحا شديدا عند تنحى الرئيس السابق/حسنى مبارك।

ولكن ردا على هذه الادعاءات.. وبتعجب شديد ! .بالله عليكم بماذا تفكرون عند قول هذه الادعاءات او نشر هذه الافكار التى تثير السخرية دون التفكير فيمات نشروه بينكم وما سيترتب عليه.

فمن بعض الصور والأشياء الذى ليس لها أى قيمه أستنتجتم انه صهيونى وماسونى وعميل ولا يجب الوثوق فيه.

فدعونا نناقش ادعائتكم..

أولا: ما يسمى "بالحظاظة" .دعونا لا ننسى ان "وائل غنيم " ليس الا شاب من شبابنا اليوم الذى يهتم بمظهره أو شكله العام ومن الألاف الذى تلبس هذه "الحظاظات"او "الساعات" او اى ملحق اخر للمظهر

وأيضا هذه الحظاظات تأتى بألوان مختلفة واللون الذى يرتديه هو "الأخضر" الذى يعبر عن السلام.

ثانيا:التى شيرتات المرسوم عليا "الأسد" فهذه ماركة عالمية معروفه جدا فى التى شيرتات والروائح وأيضا السيارات وتسمى "بوجو" ماركة فرنسية معروفة وليس كما تنطق "بيجو" فكلما وجدنا شخصا يقود سياره عليها رمز هذه الماركة أسوف ننعته بالصهيونى والعميل ؟؟

ثالثا :علامة النصر باليد .. من منا لا يفعلها ؟ أو عندما يأخذ صورة تذكاريه مع أصحابة يفعلوها معا كنوع من الدعابة فهى ليست بفعله شنيعه او لها ايحاء يخدش الحياء لا سمح الله .فبالله عليكم انها ترمز للسلام.

رابعا :أغمض عينيه عند أداء النشيد الوطنى.. فربما تأثر وائل عند أدائه للنشيد وأغمض عينيه أو لقطت الصورة وهو يرمش مثلا فظهر مغمض العنينين ! أو أو أو

فالمبررات كثر.

خامسا :انه فرح فرحا شديدا بتنحى الرئيس السابق/حسنى مبارك

من منا لم يفرح ؟ حتى ان بعض المسيرات استمرت فى شوارع مصر احتفالا بالخبر .وليس فى مصر وحدها بل فى كل أرجاء العالم التى تحتوى على مصريين.

فبالله عليكم انظروا فيما تدعون. واجعلوا امامكم دائما المنطق واجعلوا لكم أراء فيما تقرأون وتتداولون بينكم.

فأضعف الإيمان أن هذا الشخص "وائل غنيم"شخص متعلم ومثقف رفض أن يعيش للأبد فى ظلم وتعسف ولا حرية . وشارك فى ثوره غيرت كل المقاييس وأسقطت النظام فى عشرين يوما. كما انه ساعد فى تحقيق بعض الاشياء الذى اذا سألنا عنها منذ شهرين لاعتبرنا من يفكر فى تغييرها مجنون.

فلقد أستطعنا بمساعدته وغيره من الشباب معرفة الفاسدين ومحاربتهم واكتشاف ثرواتهم التى تقدر بالمليارات .وقمنا بحل مجلسى الشعب والشورى وتغيير مواد كثيرة فى الدستور. وأخيرا تنحى الرئيس السابق /حسنى مبارك عن الحكم وتولى الحكم "الجيش" حتى تقوم فى مصر انتخابات رئاسية شريفة .

ولأجل تحقيق كل هذا ضحى فى سبيله الكثير من شبابنا الشرفاء . الذين كانوا شبابا كل مطالبهم هى الشعور بالحرية وانهم جزء من هذا الوطن. فكانوا شباب متعلم أيضا ومثقف ويرتدون تى شيرتات ماركات عالية ويفعلون علامة النصربأيديهم .

فدعونا لا نهمل كل هذا وننظر الى أتفه الأمور ونجعل منها مواضيع ليس لها قيمة على المدى البعيد.

فدعونا نركز طاقاتنا فى محاكمة الفاسدين والعمل على اصلاح مصر مجددا. واعلاء شأنها دائما.ولنفتخر بأننا شباب الثورة . ونحن شباب ستخلد أسمائنا فى التاريخ.

عمتو أرحمينى !!

أصبحنا اليوم نعيش فى زمن يغلبه السرعه والعمل على مدار الساعة لنتقدم ولو خطوة واحده للأمام
،ولكن فى نفس الوقت مازال هناك بعد العقليات التى مازالت تتمسك وبشده ببعض المبادىء التى تعتبرها من ضروريات حياة الإنسان بصفة عامة وحياة المرأه بوجه خاص.

فنجد فى بعض نساء مجتمعنا الحالى انهن ينظرن لكل فتاه نظرة خاصة عن الشاب حتى ولو كانت هذه الفتاه طالبة جامعية ولو حتى فى أرقى الكليات.

فنجد انهم ينظرون الى كل فتاه اذا ما تعدت السابعة عشر فيجب عليها ان تبدأ فى رحلة البحث عن عريس ! والمصيبة الكبرى أن بعدهم الكبار فى السن يرون أن هذه الرحلة يجب أن تبدأ مبكرا عن هذا .واذا كان تعليم الفتاه متوسطا وليست فى جامعه وانهت دراستها وهى فى سن السابعه او الثامنة عشر ولم تُخطب بعد فيبدأ النظر اليها بشكل مختلف وكأن قطر الزواج قد فاتها.

قد تعتقدون أن حديثى مبالغ فيه ولكن هذه هى الحقيقة المُره حتى ولم يُصرح بها فتبقى حقيقة تحدث حقا فى مجتمعنا هذا والضحية فى كل هذه البلبلة هى الفتاه المسكينة التى يجب عليها أن تتحمل كلام هذه وهذه وتستمع لتلك وتتقنع تلك ...

فاذا بها اذا استسلمت تلجأ للكلمه المعهوده "كل شىء قسمة ونصيب"

ولكن لما كل هذه الجلبة ؟؟ ونحن مازلنا فتايات صغيرات مازلنا نتعلم ومنا من انهى تعليمه ولكن مازلنا صغيرات لم نكمل الخامسه والعشرين أو الثلاثين من عمرنا حتى تبدأ هذه النوعية من الكلام . لما تفكرون بهذه الطريقة الرجعية التى لا تفيد فى أى شىء غير قلق الفتاه واثارة فضولها وتبدأ هى الأخرى تفكر أحقا ما يقولون ؟ أأصبحت فعلا مهدده بأن يطلقوا علي اللقب الذى تخشاه كل فتاه فى العالم "عانس"!

لما تضعونا فى مثل هذا الموقف ونحن مازلنا على مشارف بدأ حياتنا وعيش شبابنا والتمتع به لأقصاه.

لقد وُضعت فى نفس الموقف فمنذ عامى الثانى بدراستى فى كلية الصيدلة وعمتى تأتى لمنزلنا والغريب انها قبل أن تسألنى عن حالى وعن أخبارى تبادر بأول سؤال لى " ها مفيش بقا عريس ؟ " فى البداية اندهشت كتيراااا لأنى لم أتخيل أبدا ان يسألنى أحد هذا السؤال الآن ليس لأنى لم أفكر فيه ولكنى لم أتخيل أن الوقت قد حان لمثل هذا السؤال. أجبتها بدهشة وبعض من العصبية ان الوقت مازال مبكرا وانى لا أفكر فى هذا الموضوع الآن فأنا مازال أمام ثلاث أعوام من الدراسة لأفكر فيهم عوضا عن التفكير فى الخطوبة والعريس وما أسميه "وجع القلب".

تخيلت أنها ستتوقف عند ذلك ولكن الغريب وكأن لسانها أعتاد هذا السؤال عندما تلمحنى فتسأله لى مجددا ومجددا حتى مللت منه ومنها وأصبحت أتجنب مقابلتها الآن لأنى أخشى ان فى أحد المرات سوف أنفجر وأطلق كمية الغضب المكبوتة بداخلى.

ولكن أمى كانت تهدأنى وتقول لى أنها فقط تريد أن تفرح بى وترانى سعيدة وأنا مرتبطة .ولكنى طبعا لم أقتنع.

أتمنى يوما أن تنكسر هذه الأفكار القديمة التى تقيدنا وتشعرنا بخنقة ومهما تعلمنا وكبرنا فى مناصبنا تظل تلاحقنا من أقرب الأقرباء أو حتى من أى مكان لا نتوقعه.

أتركونا لنحيا حياتنا، ونحقق ذاتنا، ونتمتع بهذا الشباب ، وبكل يوم من حياتنا بدون اشعارنا بالذنب او اننا اقترفنا خطأ ما ।لأننا لم نقترف أى خطأ غير اننا واكبنا العصر وأصبحنا شباب واعى ،يُعتمد عليه، فنحن شباب الثورة وشباب مصر وشباب يُفتخر به فى كل مكان سواء شاب أو فتاه .

قبـــل الرحيـــل

هناك كلمات يجب أن تُقال قبل الرحيل

حتى يكف عن التساؤل هذا الزمن السئيل

وحتى يتوقف قلبى عن البكاء والنحيب

ولكنِ أحتار ماذا أقول بعد هذا الزمن الطويل

وإذ قلت شيئاً هل سأُحسن القيل

سأخبركم حكايتى وسأخبركم عن الحب المرير

نعم كان مريرا ولكنه واجه المستحيل

ولكنه ضعف فى النهاية وأصابه الزمن الحقير

دعونا نبدأ الحكاية فمازال هناك الكثير

سأعود من حيث بدأ هذا العذاب الجميل

سأعود من حيث جاء هذا الشخص الغريب

يمشى تحت المطر لا يبالى كالطفل العنيد

يسترق النظرات من بعيدِ فى خوفِ شديد

فذهبت إلى منزلى وتبعنى فى الطريق

وقفت لألتفت إلى هذا الشخص العجيب

فرفعت مظلتى تحت المطر لأرى هذا الوجه الكئيب

عرفت ملامحه وتعرفت على ملامح الحزن الدفين

سألته من يكون فعمّ صمت رهيب

دارت عيناه فى عينى تبحث عن الجواب

فدمعت عيناه وقال .. أنا الحبيب

قال ألا تتذكرينى ألا تتذكرى الحب القديم

قلت بلى وأتذكر أيضاً الجرح العميق

دعونى أخبركم عنه وعن هذا الحب المرير

لقد كان حبى الأول وحبى الأخير

كان دقات قلبى والأمل الكبير

كان عمرى وحياتى لقد كان الحبيب

الحبيب الذى تخلى عنى فى وقت الضيق

الحبيب الذى يطلب السماح بعد هذا الزمن السحيق

الذى يسألنى البقاء بعدما أضطرنى إلى الرحيل

وودعنى تحت المطر وغطى قلبه الجليد

وها نحن مجدداً تحت المطر بعد العمر الطويل

يسألنى ان كنت أتذكره فياله من سؤال غريب

كيف أنسى الحب الأول بعد كل هذه السنين

كيف أنسى نبض قلبى كيف أنسى الحنين

والأهم كيف أنسى الجرح الذى عيشنى فى جحيم

كيف أنسى الدمع وقلبى الجريح

لا لم أنسى شيئاً فلا تسألنى المزيد

فأنا لا أريد أن أفتح جرح قديم

مازال ينزف ويأبى أن يترك قلبى الحزين

فيا حبيبى .. أعني يا من كنت حبيبى

إنى الآن أسألك الرحيل

فدارت عيناه فى وجهى تغالبها الدموع

وأضاء ظٌلمة الطريق ضوء الشموع

فعندها عرف أن قلبى لا يعرف معنى الخضوع

فمضى تحت المطر ...

مضى بعيدا ...

مضى فى الطريق ولا ينوى الرجوع

فيا قلبى لا تحزن فإن قدرك محتوم

فلقد انتهت الحكاية وما يريده الله سيكون

أين أنت يا حب (أنا و القمر)

أين انت يا حب

أين أنت .......

اااه لقد سئمت الانتظار

ولجأ صبرى للإنتحار

جفت أقلامى

وامتلأت اوراقى

ومازلت لا أجد جوابا لسؤالى

أين أنت يا من ينادوك الحب

أين ذلك الإحساس الذى يغزو القلب

عندما أنظر للنجوم وأتذكره تدمع عيناى

فتلمس دموعى نسمات الهواءٍ

وتأخذها إلى السماء

فيراها القمر ويرثى حالى

ويتذكر معى الحب الغالى

فلقد سهرت معه افكر

فى هذا الحب ليالى

فيشفق عليا ويحاورنى

يا عزيزتى

يا جميلتى الصغيره

لما وجهك أصبح من الفرح خالى؟

وأين ابتسامتك وأين الأغانى؟

فقلت له

ذهب عنى الحب وتركنى أعانى

فأين هو يا قمرى ابحث عنه فى سمائى

فقال لى

اااه يا صغيرتى

فلقد وجدتى دائى

فأنا لا أجد الحب

ولا أملك جنة العشاقٍ !

فجففى دموعك صغيرتى

وتقبلى منى نصيحتى

لا تدمعى بل تذكرى

فالذكرى باقية والإنسان بالى

فقلت له

اااه يا قمرى

حسبت معك دوائى!!

فتوارى عن دموعى

ولم يسمع ندائى

وذهب عنى أيضا

واختفى وراء السحابٍ

أحسست ببرودة قاسية....

فوحده ذاك الحب ما كان يملأ بالدفء ذاتى

أنتظرت القمرليرد طويلا

ولكنه لم يجد اى اجاباتٍ

فتحاملت على نفسى

وغلقت نافذتى

وجلست أكفكف دموعى

فمازال عندى كبريائى

فلن يفنى عمرى فى انتظاره

ان لم يكن هو أيضا فى انتظارى

فمتى أيها الحب ستضع حدا لمعاناتى

confession of love

This feeling inside me

Growing every day

I can`t no longer stay

Without you

Calling you day and night

i wanna feel you by my side

Baby with you i wannna hide

From this world

Feeling inside me i can`t control

Baby without you i can`t hold on

I need you with me to make me strong

To face this world not alone

Call it love ,call it what you want

My baby you, is all i want

From this dream don`t wake me up

In your love i wanna drown

All i wanna hear is your sound

Before you i was lost and now am found

This feeling takes me high to the highest cloud

I wanna say i love you.oh baby out loud

All i want is you

All i see is you

It is a feeling i can`t describe

It is something for sure not a might

Oh please baby, don`t go away from my sight

I`ll do every thing for you,for you i`ll fight

To just be with me and live in your light

Baby let me just say

In the most simplest way

I love you ........

صوت من الميدان

كرهتك أد ما حبيتك سنين وسنين
واد ما غنيتك فى أغانى الصبر والمواويل
واد ما اتغزلت فيكى فى ليل طويل
واد ما غنيتك نشيد الصباح فى المدرسة
واد ما دعيتلك يحفظ ربى وتكونى دايما كويسه
كرهتك لما كرهتينى فيكى
لما علمتينى ابقى حجر وأقسى عليكى
كرهتك لما فسدتى وعذبتينى
كرهتك لما فى عينى موتى وخلتينى أبكيكى
لما عطشتينى وبعد شوقه بالذل روتينى
لما جيتك وخبط بابك وقولتلك
أنا جاى أخدمك
ولاقيت جواكى غريب ومن على بابك طردتينى
ياريتك بالذوق مشتينى
لا دا انتى ذلتينى وبهدلتينى

شوفت فيكى العذاب ألوان وساكت
حقى مهضوم فى البطون وساكت
ومالى متخزن فى البنوك ومش باسمى وبردو ساكت!!
ويوم ما اتكلمت جات دبابة ومدرعة وعليا داست
الدنيا اتقلبت قعدت وهاجت وهاصت
ولأول مره بنتكلم لا الناس كشت ولا خافت
والمصرى ثار ورجع مواطن صح وتمام
مش هسكت عن حقى تانى ايوه هتكلم ايوه يسقط النظام
ايوا كفايه ظلم كفاياكم بقا حرام

واما كانوا يسألونى عن حالى اقول كويس
كنت عشانك يا سمرا بتحمل
عشانك بس سكت وانا فى عز الأه وبتألم
لاجل ما يحزنك صوتى ولما اصرخ بعلو صوتى
لاجل ما تبكى لما تشوفى جروحك وسط ضلوعى
لاجل ما تشوفى مكان سوط جلادك على ضهرى
لاجل ما يشهد عليكى فى السما شمسى وقمرى
واتحملــــــــــــــــــت
مجنووووووون ايوه واتحملت
لاجل ما اشوفك حزينة ولا اشوف مره دموعك
انا ابنك وهفضل عاشق ترابك وهفضل تحت طوعك
بس ياريت تحسى بيا شويه
قبل ما ينفذ صبرى وغصب عنى تهنى عليا
مش كفاية كانوا هيسرقوا ثورتى ويضحكوا عليا
والغُرب قال صعبان عليهم وهما اول ناس شمتواا فيا
يا وطنى نفسى أحس انى ليا قيمة عندك وان ليا ديه
ليه شايفانى وسمعانى بصرخ ادامِك ومش حاسه بيا
نفسى تاخدينى فى حضنك وتحسسينى بحبك وتقوليلى حقك عليا
عارفه هى كلمة بس متعرفيش هتعمل ايه فيا !!
علمونا واحنا صغيرين
" احترام الكبير والعطف على الصغير"
انتى معطفتيــــــــــش ........ !!
بس أنا ... هحترمك !!

ولاجل ما يشمت فينا الغيرهديكى فرصة تانيه
علشان بحبك ولسه باقى عليكى يا مصر يا غالية
ولأنك أرضى وسمايا وهوايا وأمى وأم الدنيا
وبينى وبينك الأيام ...
وبينى وبينك ... الميدان

(كبريائى) .. لست دُميتك الغبية

لم أعد أهتم

ان كنت بجوارى أم لا

لقد نفذ صبرى

لن أستمر فى لعبتك الحمقاء

أنا لست دُميتك الغبية

تلعب بمشاعرى كما تشاء

تحبنى تاره وتترُكنى تاره

باللـــه عليـــــك !

ليس الحب بـ رِداء

تقنعنى بكلامك المعسول

وتصطنع الحيـــاء

لا يـــا من كنت حبيبى

لم أعُد عن حقيقتك عمياء

فإن رضيت بجرح قلبى

لـــن أرضى بالشقــاء

لن أتحمل بعد اليوم حماقاتك

ولنرى من منا أمير الدهاء

تتمادى فى جرحى بسذاجةً

وتناسيت أن لدى كبرياء

وبنيت من غرورك قصوراً

واعتبرتنى من النُزلاء

استفِق من أحلامك

وأعلم جيدا من أنا

فأنا أمرأهً لا أُعامَل كالسجناء

أنا من سقط العشاق

تحت قدمي كالقتلاء

أنا من أعطانى الله جمالاً

تتحاكى به كتب التاريخ

بجانب أساطير العنقاء

وتلونت خصلات شعرى

بلون سبائك الذهب الصفراء

ومضى الشعراء يصفون عيونى

بضوء ينير كنور السماء

أعلمت الآن أن معاملتك لى هكذا

لم تكن فقط خطأ بل كانت غبــاء

وكنت أيضاً مخطئة

حين أعطيتك قلبى

فالمرء لا يعطى شخصاً قارباً

وهو لا يستطيع الوصول للميناء

كلانا أخطأنا

وكلانا ندفع الثمن

وربما كلانا أبرياء

ولكني لم أعد أتحمل

اليوم حزمت أمتعتي

فلن أستطيع بعد اليوم البقاء

اليوم سأرحل عن عالمك

وصدقني ... لا أنوى اللقاء

يامن تقطن بين السطور

انت يا من تقطن بين السطور

يامن احببت فتاة لاتعرف عن الحب الا القشور

فأغرقتك فى جحيم الشوق وأعمق البحور

هى ليست مثلك تحب وقلبها دائما غفور

فهى كالبركان لا يحتمل ويغضب فيثور

هى كالسلطان الذى رغما عنه يجور

فقلبها لا يوجد فيه طريق تستطيع منه العبور

فى جدرانه جروح محفورة لا تستطيع منها المرور

ما زالت تتأوه وتحكى حكاية هذا القلب المجروح

عايز ابقى ملتزم صايع هههه

السلام عليكم يا جماعه

أزيكم ؟

كويسين ؟

طب الحمد لله
:D

بدون مقدمات كدا (لو انى قدمت ههههه)
دى يعتبر اول مره أكتب فيها موضوع هيبقى ان شاء الله معظمه ألش ههه

انا اه بكتب شعر .. بكتب نثر ... خواطر
بس مكتبتش استايل فرى قبل كدا

واذ فجأتاً كدا ضرب فى دماغى أكتب الموضوع دا
:D

"أنا عايز ابقى ملتزم صايع"

هحكيلكم الجمله دى جات فى دماغى ازاى بس خلوها فى سركم
:D

كنت ماشيه مع أصحابى عالمشايه :D
وكالعاده عمالين نتريأ على خلق الله ههههه

اوعى حد يفهمنى صح احنا بنتريأ بس عالمناظر اللى بنشوفها كل يوم فى حياتنا العادية
شباب ماشيين بعربيه وتلاقيهم مشغالين الكوكولايزار عمال يهز الرصيف "اللى هى الايكولايزار اللى بيخلى الصوت رهيب دا يا جماعه اللى بتركب فى العربيات بس انا بدلعه ههههه"
"
وماشيين فرحانين بنفسهم أوى واه بقا لو مشغلين اغنيه راب واراهن بنص عمرى لو يعرفوا الاغنيه بتتكلم عن ايه واراهن بالنص التانى لو يعرفوا انهم وهما بيهزوا دماغهم عالرتم كدا لورا وادام بيبقى شكلهم عامل زى ايه ؟؟
:D:D

دا غير اللى على الرصيف تلاقى بردو مجموعة من الشباب قاعدين بس عشان يضايقوا فى مخاليق ربنا وهما معديين
ايشى ايه الجمال دا ولا جمال عبد الناصر
وايشى ايه الحلاوه دى ولا حلاوة رشيد الميزان

مش عارفه ايه جو النكسه على جو التلزيق دا
اهو جو بيلم الدبان وخلاص !!
:D:D

وشويه تلاقى حبة بنات ما شاء الله الواحده ترقع فيهم الضحكة الرصيف كله يقف لا وصاحبتها بعد ما تخلص الضحكه تقول اييييييييييه؟

هيهىى صااااااااااااايعه
اقتداء طبعا بمشهد زباله فى عمر وسلمى اللى خلاص بقا القاموس بتاعنا فى الايفهات الجديده !!

حتى لو للبنات !!



طب بعد كل دا لينا حق نتريأ ونألس ولا لأ هههههه ؟؟

بصراحه لأااااااااا وألف لأ المنطق بيقول
ننصح صح؟؟

هههههههههههه انتوا بتهزروا ولا ايه يا جماعه ؟؟؟ ننصح !!!!!
لو مكنتش اعرفك كويس يلى بتقرأ كنت قلت عليك مجنون ههههههه

ادى السيناريو المعهود

وانت مال ***

خليك فى حالك

ممكن ينزل من العربيه ويضربك عادى جدا

ولو حظك حلو اللى بتكلمه هيمشى ويسيبك ولا هيعبرك !!

وبعدين بدأنا نتكلم فى الموضوع دا

فى نوبه هيستريه طبعا من الضحك والهزار وفى الوسط كدا قلت طب يا جماعه انا عندى حل ما تيجوا نبقى ملتزم صايع !!
:D:D

محدش فهمنى فى الأول وكل واحد فسر الكلمه حسب فهمه
ووالله من تفسيرهم جالى افكار احلى من اللى كان فى دماغى !!


يعنى ايه التزام ويعنى ايه تبقى صايع ؟
كومبنيشن غريب بس يمشى صدقونى
اصل الالتزام أوى .... يخنق
والصياعة ..... هتودى صاحبها فى داهيه اكيد فى النهاية

عشان كدا احنا ممكن نعمل عملية اعتدال فى المزج
"انا بتكلم كلام كبير أوى"
ههههه

طب يعنى ايه ؟
يعنى خليك ملتزم ... بس الالتزام العادى اللى بيفرضه عليك دينك
وتربيتك
ومجتمعك
راعى ربنا فى تصرفاتك واوفيه حقه
واحترم أهلك وكلامهم عليك
ومتعملش اى حاجه ممكن تأثر على وضعك وشكلك العام فى مجتمعك

طب ازاى تبقى صايع بالمعنى الكويس ؟
هتقولى وهى ليها معنى كويس ؟
هقولك اااااااه

يعنى خليك شخص حِرك ليك فى كل حاجه
وتسلك فى كل حاجه
عارف الدنيا ماشية ازاى وتعرف تتعامل ازاى مع اى موقف ومع اى شخص
تكون لبق فى كلامك ومخضرم
يعنى تعرف تصيع عاللى أدامك
ميضحكش عليك بسهولة .... ومتخفش من التجربة دايما
مش منطوى أو معزول ومتعرفش تفتح حوار
تتمتع بحياتك بس تعيشها صح وبحساب


يمكن هو دا اللمختصر للصفة اللى قولتها "ملتزم صايع"
وأكيد كل واحد هيقرأها ويفكر فيها
هيبقى عنده خلفية تانيه وكلام تانى
لكن أهم حاجة
هى الإعتدال
و "خير الأمور الوسط"



:):)

آيه فاروق

are you gonna miss me

are you gonna miss me

Am so hurted inside i cant even take my mind

What if i left what if i cried and ran away and hide

Are you gonna miss me?

What if i give you my life my days and my soul

It realy doesn`t matter as you already own them all

I will sacrifice any thing if you just give me a call

are you gonna miss me? but

i realy loved you so much

i realy miss you sweat touch

i realy miss looking at your eyes

where i coudn`t ever find any lies

when are you gonna miss me?

Am leaving now and leaving my heart with you

Don`t say goodbye please don`t say no

I had enough i will just go

But are you gonna miss me?

Are you gonna miss me?

Are you gonna miss me?

By::::::::: ME