ازاى !

لساكى ما شبعتى
يا بلدى من دمى
مكتوب عليا الوجع
زيدى كمان همى
قلبتى وِشك موت
لمى الجثث لمى
ولا تكتبيش عنوان
ولا تكتبيش أسمى
عالجنة روحى مفارقة
غضبانة من أرضى
أنا بس مش عارف
لما أتسأل مين قتلك
أزاى هقول مصرى !
..
آيه فاروق :(

جرب تبتسم

الكدبة ولو خايبة
مستورة بالبسمة
زى النخيل طارحة
ميهزهاش نسمة
إدّارى فى الأحداث
إملى فراغ الحزن
الدنيا مهما تعاند
متخليهاش أزمة
وان غلبتك الظروف
راسك رافعها لفوق
اياك تدمع يوم
ملهاش ولا لازمة
..
آيه فاروق