قلبى .. طفاية سجاير

انا طالبة معايا
اخش سباق
واطرح حساب نفسى
من كوم أشواق
واقوم اغسل وشى
من نومى التقيل
وانفض قوام عنى
خوفى من التأجيل
القعدة منصوبة
والدكة محجوزة
والخلق شاهدة عليا
ونتيجتى محجوبة
لا اطلع بقلبى سليم
باقل قدر من الخساير
يادوب كام آه وجرح
والدم حوالينه فاير
لاما كما المعتاد
حظ قلبى انه يطلع
زى طفاية السجاير

آيـــــــــه فــــاروق

مش ذنبها

متغيرتش عشان تعيش

جواها جرح ميتنسيش

فاكر لما كنت بتسأل

وتقولك هى "مفيش"

ولما كنت بتبستم هى تسكت

ونفسها تقول "متسبنيش"

كان دمع عينك بتمسحه

ودموعها بعدك متنتهيش

مش ذنبها خوفها عليك

ولا انها ماتت فيك

لكن ساعات جوانا حاجات

أحسنلها متبتديش

آيــــــه فاروق

جيتــلى متـــأخر

جيتلى متأخر
طالب يكونلك
جوا قلبى مكان
قلبى مش ملكك
ولا مملوك لأي كان
يعز عليا أشوف فى عنيك
نظرة "انا مِن كان"
فى وقت شدِتِك شايلِك
وأنا صاينِك
ومهما تقولى مش عيزاك
هكون جمبِك
أنا شتّان
..
يعز عليا أشوف فى عنيك
كلام يوجع
أخاف أحِسَك فى يوم مجروح
وبتّدور يامن يسمع
وأكون أنا الجانية عليك
وأخاف أكون حكمت عليك
لو ان فى حُكمى مش هرجع
..
قدَرَك كدا
جيت لواحدة مُستَهلَكَة
لا عاد ياثر فيها حُب
ولا حته حبة سَهوكَة
ستاير قلبى القديمة
دابت ولسه متعلَقة
رافض يقبل يوم بديل
وجدرانه لسه مترّبة
أصل قبلك حَب واحد
ومحبش بعده تانى
كل حته فى قلبى بعده
عايشة على ذكرى وأغانى
وبرغم عدى كتيرعلينا
لساها صورتة متزوقة
..
مقدرش أكدب عليك
وأقول أنا هبقى ليك
وأنا كل حتة فيا مِلكُه
وضع ايـــد
..
يعنى قُصر الحكاية
أنا وأنت ضحايا
لا حُبك ليا راح يشفع
وياريت حُبى ليك ينفع
أنا وأنت مننفعش نكون أحباب
ولا يصحِش دلوقتى
نكون أصحاب
وعشان منطقى جداً
مكنش فى يوم
مكان موجود
ما بين الجنة وبين النار
ولو فضلنا محلَك سر
فادا استعباط واسمه هزار
فعشان أكون معاك واضحة
وصدقنى منيش قاصدة
أكون جارحة
لكن أحسنلك
تكون عارف
ولا سيبشِ روحك سارحة
أنا آسفة !
ملكش يا غالى فى قلبى مكان
ولا روحى مستنية
ولابسة التاج والطرحة
لكنُ ببساطة
العيب مش فيك
أنا اللى بس أنسانة
متعرفشِ يعنى ايه
فرحة

...


آيــه فــاروق

ضحكة حزينة

ماهيش فارقة تبتسم
أو حتى تبكى بصوت
ماهيش فارقة تتوجْع
أو يموتك السكوت
كل حاجة وعكسها
عايزها تلقى ضدها
تلقاك فى النهاية
ماشى جسد مسكون
ما هو كل يوم بيعدى
بيتحكم عليك بالموت

جاية عليا كل ظروفى
وبيونس وحدتى خوفى
اهرب من كل طريق ضلمة
القى الحزن وسط كفوفى
مش بتحجج ولا بتألم
ولا قاصد حتى اتكلم
حتى الكلمة اللى بتتكون
تعلن عصيانها حروفى
والقانى وسط طريق مسدود
لا عارف اخبى ولامستور
والقى الضحكة طالعة حزينة
ووراها كدبة"أنا مبسوط" !

بيرسيفــــونــى

"عندما نُجرَح صامتين"

عندما يختل اللسان عن توازنه ويفقد هيبته أمام عين من تحب فتجدك تتلعثم لا تجد ما تقوله,وتجد دمع عيناك هو الشىء الوحيد الذى يكسر ريبة الصمت,فلتحمد ربك على هذه النعمة !
لأن أحيانا هناك أشخاص تختل ألسنتهم عن توازنها وتفقد حواسهم الشعور بالزمان أو المكان حتى عندما ينتظروا النجدة من دموع العين لتطفأ بعضاً من النيران التى تحرق قلوبهم حية,لا يجدوا من ينجدهم ! أو يطفا نيرانهم .. فيكتفوا بمغادرة المكان صامتين تاركين روحهم ملبدة بالمكان _لا يغادرون حقاً_ ولكن من يغادر "بقاياهم" . !


منذ أن عرفتك وبسعادة عارمة قبلت أن أكون بقايا انسانه لم يعد لها وجود . ضحت بروحها واصبحت كالأحياء الأموات تنتشى الفرح والأمل وحتى الحزن والكآبة من شخص اخر هو أنت .حتى أصبح وجودى فى هذه الحياة منوط بك انت وحدك بعد الله !
أقتلعت روحى من جذورها وببسمة يملؤها الترقب والسعادة قدمتها لك ووضعتها فى يدك ولم أتكبد حتى العناء بأن اقول لك "اعتنى بها جيداً" لأن بمجرد أنها لمست يداك عرفت بأنى الآن فقط سأعيش !

ولم أعرف اننى شبهت روحى ب "بيرسيفونى" *حين قدمتها الإله "ديميتر" لاله الموت "هاديس" فى سبيل ارضائه وانقاذ الآخرين من الشُح والجفاف ,ولكن ما ذنب روحى !

أنا لا ارثى حالى ولا أتعنت ولكنى لم أعد افهم ؟ لما أعشق الاستمرار "بالموت البطىء" فيك ؟ لما ابتسم حين أفعل كل شىء يرضيك وفى نفس الوقت يقتل جزء داخلى وينعيه؟ لما أصبحت مائلة للسواد فى كتاباتى حين تبتعد لساعات قليلة عنى !
أقولها وبصدق أخشى أن أموت ان ابتعدت عنى . أخشى أن قطرات "الايفورتيل" لن تجدى نفعاً معى فى يوم من الأيام وأجد نفسى شبحاً يحرسك فى لياليك المظلمة وسأظل وقتها ايضاً ابتسم !

لما هذا الحب المطرز بعلامات الخطر ويحيط به تحذيرات من الضجر . أخشى أن أقترب أكثر من اللازم ولا أستطيع البعد أكثر من اللازم فأصبحت كدمية تُحرك نفسها بخطوات مدروسة من قبلها ألاف المرات حتى فقدت رونقها وكالعادة تظل مبتسمة !

ولكن أخشى أن "بيرسيفونى"أعجبها العالم السفلى أعجبها "الموت" معك ,عشقت أن تلتهب بنيران الحب معك,وتخشى أنها اذا تركتك يوماً لترى نور الشمس ستحترق بها وستفنى بدونك .

عجيب أمر الإنسان يعشق ما يميته و يزهد ما يحييه ! .

* : توضيح للاسم

كانت ديميتر اله الزراعه عند الاغريقين زابنتها بيرسيفونى وكانت تحب ابنتها بيرسيفونى للغاية أكثر من أي شيء آخر وفى يوم كانت بيرسيفونى تقطف الورود من أحد الحقول وفجأة انشقت الأرض وابتلعتها وسقطت في العالم السفلى فاخذت امها تبحث عنها وجعلت بعضا من الإلاهات يساعدنها في البحث مثل آرتميس وهيكات ولكنهن لم يجدنها فحزنت ديميتر للغاية فماتت المحاصيل على الأرض وعاش الناس في مجاعة وفى وقت لاحق عرفت ديميتر ان هاديس حاكم العالم السفلى قد اختطف بيرسيفونى حتى يتزوجها فطلبت من زيوس ارجاعها فإضطر للموافقة على طلبها حتى لا تستمر المجاعة ووافق هاديس على ارجاع بيرسيفونى بشرط واحد :اذا مر أي طعام من العالم السفلى شفتى بيرسيفونى فإنه سوف يحتفظ بها ولن يرجعها وللأسف الفتاة المسكينة أكلت حبة رمان صغيرة فأعترض هاديس واصر على الاحتفاظ بها ولكته امام الإلحاح الشديد من اخيه زيوس واخته ديميتر وافق على ارجاعها إلى الأرض ثمانية شهور في السنة بينما يحتفظ بها في العالم السفلى لمدة أربعة شهور وآمن الإغريق القدماء يأن الشتاء كان يأتى بسبب حزن ديميتر على ابنتها في الأربعة شهور التي تقضيهم في العالم السفلى.

أتنفس بــك !

اليوم كانت الشمس غائبة ورياح قوية تعتلى المكان بأسرهِ لا أعلم كيف شعرت بهذا على الرغمِ من ان الشمسَ أشرقت من السادسةِ صباحاً ولم تغب الا بعد أذانِ المغرب !
ولكن عندما تغيب أنت .. تغيب الشمسُ ويختفى الوجودُ فيصبح العالم أجمع كومةَ من المبانىِ الهامدة تتخللها رياح باردة اذا تحققت من صوتها تجده عويلاً وصراخاً يريب الأذان.
لا أعلم لما ارتديت اليوم اللون الأسود ولما لم أرسم عينى بالكحلِ كالمعتاد ولم أضع أجود أنواع عطورى ولم أقف أمام مرآتى طويلا لم أطق حتى النظر إلى نفسى !
لا أعلم لما شحب لونى فجأه وكأنى بدأت فى الاختفاءِ والباقى منى هو فتات انسانة تركتها روحها دون استئذان.
ولكن أعلم شيئاً واحداً, ان عطرك مازال فى كل أركان غرفتى ,منذ أن لمست يداك معطفى وتركت اثار عطرك عليه وأنا أرفض غسله أو لبسه كالطفلة التى تخشى ان يتسخ ثوب العيد او تتلف لعبتها الجديدة.
وأظل طوال الوقت اتفقده بوجه جامد لا يظهر فيه أى تعبيرات ربما لأنى سأمت البكاء ربما لأنى أعلم انك معى أو ربما لأنى لم أعد اشعر شيئا !

أحببتك ولم تشعر يوما ان هذا الحب الساكن بين حنايا قلبى تجوف أكثر وأكثر مع الأيامِ حتى احتل كل نقطةِ فى قلبى .أكاد أجزم ان لا يوجد هناك ملليمتر واحد فى قلبى لا ينبض بحبك أنت.
وبرغم أن قلبَك لا يهوانى ولم يعترف ابداً بحبى بل وصل به الحالُ الى التشكيكِ فيه لكنِ أرفض الاستسلامَ أرفض ان أجثو على ساقاى واعلن انك محق .لأنك لست على حق.


هذه التى أمامك أوهنها حبك الذى يجرى فى شريانها بدلاً من الدماء .هذه التى أمامك تجردت من كلِ أنواعِ الخجلِ لتقول لك "أحبك" فلتقبل هذا الحب لأتنفس بك.
هذه التى أمامك من تنام لتحلم بك فقط ,وتستيقظ وهى تفكر بك فقط ,وحين تراك تستحى النظرَ لعينيك;لأنك انت الوحيد الذى تقرأ عينيها وترد بعينيك عبارات وكلمات تتمنى أن تسمعها منك فتدير بوجهها وتستحى من النظرِ اليك !
هذه التى أمامك تحملت منك أن تحكى عن حبيبتِك القديمة وأن تقلب فى اشعارك القديمة وأن تسرد ذكرياتك القديمة وتجيب مبتسمة "مازلت أحبك".
هذه التى أمامك تحملت منك ذلاتك وأخطائك وفى نفسِ الوقتِ أوامرك ونواهيك ولم تتذمر يوماً بل كان ردها "سأفعل ما تريد فأنا أحبك".
هذه التى أمامك انسانة ليست بكاملة ليست بفاضلة ولكنها ليست كغيرها .هى امرأه استثنائية أحبتك حب استثنائى وعشقتك عشق استثنائى وحفظتك فى قلبها وتوحدت مع وجدانها حتى انها أصبحت تتنفسك وتنبض بك وتتحدث بك وتحلم بك وتستيقظ بك وتذهب معك وتعود لك.
هذه .. أنا.
لا أعلم ماذا أقول أكثر . فالآن ترتعش يداي . سأقولها وبكلِ صراحة ولك مطلق الحرية فى التصرف او لا التصرف فلقد اعتدت منك على مبدأ "أنا متفرج" حتى فى تقرير مصيرى !
أنا لا أستطيع المضى قدماً بدونك ,لا أستطيع أنا أعتلى مسرحاً دون النظر إلى عينيك لتقوينى لأحس بها تقول لى "أنا معكِ لا تخافى" لا أستطيع أن يمر يوماً دون أن أرى ابتسامتك لينعكس ضيها على شفتى فابتسم بدورى.
لا أستطيع أن اقول "اسمك" دون أن أتذكرك ,لا أستطيع أن أتخيل حياتى دون مرة أخرى تقف فيها أمامى وتنطق اسمى فأتنهد وكأنك انتزعت روحى ووضعتها داخلى من جديد!
لا أستطيع أن أختم كلامى هذا دون أن أستودع به دمعاً تساقط رغماً عنى ودون أن أدرى أثناء الكتابة لأن كل ما يشغل تفكيرى هو أنت
لأ أستطيع أن اترك قلمى هذا دون أن أكتب فى النهاية "أحبك.. وسأظل".

I am NOT okay

When I was young I thought life will always be good and fair as long as am not doing any thing wrong . But when I grew up I found out that life isn`t a bed of roses and I learned that in the hard way.

Am a foolish person full of flaws but am proud of all my flaws as long as they are kindness, expecting the good from others,and trust.

I don`t have many faces to wear and although my face can be full of tears and sorrow wrinkles I`ll proudly show them off and talk to my life and say "is that all u got?" .

Well, u can say that`s Foolishness itself but I just can`t see it this way ! .

I had many heart breaks along my way in life and after each heart break, I kept my head up and kept on smiling until a dear friend once gave me a definition for my case . It`s numbness.

Yes, it`s that numb feeling that u have after having many shocks on a row . And that what I kept on doing the past years of my life . I kept on smiling , joking , making friends and go on my life without a closure and without confession with how I felt.

Maybe because I didn`t know how I felt ! I didn`t give myself the time to heal !

I kept my wound opened and instead of healing it , I put it on the danger of being hurted again . And that what exactly happened ! .

I hurted myself time after time after time and I never set down with myself to say "stop ! " .

Because I persuaded myself that am fine while I wasn`t . But it`s never too late to confess . Never to late to let your tears come down and wash away your wounds .Never too late to say "sorry" to your heart "I didn`t mean to do this to u ! " . Never too late to put a closure for your pain and admit that :-

"you are NOT fine "

"you are hurted"

"Stop pretending" !

Let your feelings come out . Let "YOU" come out . That`s what I have learnt .

Am not okay , am hurted and deeply wounded and on the same hand, I don`t need any one`s sympathy I don`t need it because when I need help I wont be ashamed to ask it from a true friend.

Am gonna pull myself together and stand on my feet again . I will have my time to heal until I sincerely say I am fine , I am OKAY.

رسالة لرجل غير موجود حالياً

أنا لا أحتاج لورقةِ شرعية

لتعلن حبى لك لفترةِ ابدية

لا أحتاج لحبرِ يكتبُ ما بيننا

فما بيننا أسطورةُ ملحميةُ

فصدقونى

لن يمنعنى عن حبِِه شيئا

ولو حتى معركةُ دموية

..

تواعدنا على حبِ لا ينتهى

لا ينضب ولو حتى جفْت دمانا

وان لن يُفرقنا دربُ ولا ظرفُ

ولو حتى الزمانُ عصانا

واننا_ ان افترقنا_ سنلتقى يوماً

وسيكون لنا

فى صفوفِ العاشقين مكاناً
..
ستبحر عيناكَ أينما تريد

وستعبرأنهارَ الحبِ

وتغزو ميادين العشقِ
من محيطِ إلى محيطِ

وتناظر نساءُ الدنيا

فتقول هل من مزيد !

ولكنِ أعلم

أنى ساكنةُ داخلك
مهما ابتعدت ومهما تناسيت

أعلم أنى عن نفسِ العينين
لم ولن أحيد
..
لأنك علمتنى أن الحبَ ثقةُ

برغم المسافاتِ وبرغم الهجرِ

لا تنكسرْ

وأن الشوقَ إلى من تحب

رغم "مدْ" البعد

لا يأتى "الجزرُ"فينحصرْ

فكن عندك نفسَ الثقةِ

بأن هذا الحبُ الساكنُ

بين حنايا القلبِ

لن يأتى عليه يوماً لينهزم

لن تجد أمرأةً أخرى

تسمح لرجلِ

على اضلعها أن ينرسم

..

حبيبى

اذا أرهقك دوارُ المكانِ

وأتعبك السفر

ولم تنبت حماقات الشبابِ فيك

غير الضجر

مازلت هنا فى بيتِ طفولتنا

أتذكرُ رسمَنا على جدرانِ الفناءِ

وأقلبُ أحياناً فى الصور

وأُقبْل عيناك ويتوارى الغضب

وأواسى نفسى قائلة ً .. إنه القدر

حبى لك لم ينقص شيئاً

وشوقى إليك لم يندثرْ

وبرغم غضبى منك أحياناً

وانى مللتُ أفعالَك

ستجدنى دوماً أنتظر

نص تغيير .. نص حرية .. نص عدالة إجتماعية !

لما فكرت أكتب معرفتش هبدأ ازاى ولا هتكلم فى ايه بالظبط بس قلت هبدأ وزى ما تيجى تيجى ,
بحكم امتحاناتى اليومين دول وظروف دراستى مش متابعة سياسياً 100 % زى ناس كتير حاليا وبردو مش بحب أفتى فى حاجات كتير مش فاهمه فيها وأقول رأى تافه زى حال الأغلبية من الناس بردو حالياً ! . الكل عاد بيتكلم فى أى حاجة وفى أى وقت والمصيبة الأكبر انه فاكر نفسه صح !
الثورة.
نقطة ومن أول السطر بعد الكلمة دى ! . مش هنخوض تفاصيل الثورة من 25 يناير حتى يومنا هذا بعد ما عدى أكتر من خمس أشهر !.
مكنش حد يحلم اننا ممكن نخرج من صمتنا ونعمل كل اللى حصل وبرغم من ان فى انجازات أتعملت . بس هدينا .. وهدينا أكتر من اللازم وسكتنا عن أكبر مطالبنا ! وهى محاكمة اللى كان السبب فى كل اللى احنا فيه دلوقتى ! .
أنا بكتب الكلام دا ومش عارفة ألوم مين ؟ . ألومنا احنا اننا مفضلناش ورا مطلبنا وادينا ثقة زيادة فى أشخاص انها هتجيب حقنا وحق اللى ماتوا مننا ودا محصلش ؟
ولا ألوم المجلس الأعلى للقوات المسلحة نفسه ؟ ههه ولا أقول انه قصر ؟ ولا أعمل ايه ؟
حسيت انى معتش قادرة أخد موقف ! بس فى نفس الوقت إحساس واحد متملكنى ! .. الشهيد مخدش حقه وضيعنا دمه . ولما أفكر فى كدا بحس بضعف وظلم وان فى ناس استخفت بينا وعيشتنا فى نص حالة ! وسكتتنا زى المضاد الحيوى اللى بناخدوا لتسكين الألم شوية ويرجع ينأح علينا تانى .
... سامحونى لو كل كلامى كلام يعتمد على العاطفة شوية بعيداً عن سرد الأحداث السياسية على الساحة دلوقتى ومناقشتها لأنى لو اتكلمت فيها أكيد هتكلم من وجهة نظرى لكن انا عاوزة أسيبها مفتوحة لكل واحد يعقلها بالطريقة اللى تريحة عشان كدا مش عايزة أتكلم فى سياسة بحته .
عملت موضوع أتكلم فيه عن اللى حساه نحية بلدى دلوقتى والناس اللى ماتت عشان أحنا نعيش ! وللأسف حاسه ان حقهم ضاع !
أنا كنت من الناس اللى قالت "نعم" للتعديلات الدستورية ومن الناس اللى كنت عايزة الثورة تهدى بعد تلات شهور مثلا من بدايتها ومن بعد الإستفتاء والأمور تمشى طبيعى بقا . بس اكتشفت ان الطبيعى بتاع البلد دى بيرجعنا لأيام السكات والبهدلة والظلم والضرب عالقفا
عشان كدا أنا كنت غلطانة ! . مفيش حقوق فى البلد دى بيتصبر عليها وبترجع !
مكنتش أتصور انى هقول كدا بس هى دى الحقيقة _للأسف_ عشان كدا أنا دلوقتى بأيد الناس اللى هتنزل يوم 8 يوليو أو مع أى حد لسا بيطالب بحقه ولو حتى من ورا شاشة كمبيوتر . لأن السكات والصبرمعتش بينفع !
:(

*******************************************************

صبرا يا بلادى
فوقت الإستسلامِ لم يحِنْ
ماطَلواوأنتظرنا
وتركوا فينــا الجراحَ تأِن
دمُ الشهيدِ مُراق على الأرصفةِ
بكينا عليه ساعةً
وتركنا الشمسَ لتبخرَه
**
جاى من بعيد والفرحة مش سيعانى
جاى أحضن ترابِك يلى بيعانى
هنا سهرت زمان
وهنا صليت وازدت إيمان
وهنا شِلت راية عشان
أمشى فى يوم جبان
وهنا زعقت
وهنا هديت خناقة
وهنا دعيت الرحمن
وهنا مُت ويشهد عليا الميدان
لما كان للحرية ميدان !
**
جايلك دلوقتى وبعاتبك
لساكى مخنوقة
متفكش الظلم من على رقبتك
لساه مطاطى راسك
زى الذليل
وتضييعك فى حقى
أكبر دليل
مُت عشانِك وبفتخر
واللى قتلنى
سيبينه يشم هوا عليل
إشهد يا نيـــل !
يلى غنتلك ياما مواويل
يلى عارف حكايتى وروايتى
عجبك يا نيـــل ؟!
دمى اللى لسا منشفش عالسكك
وبلدى لما مُت قطعِت فيا حتت !
وشربوا بدمى كاس لمؤامرة
وأهلى اللى وقعوا فى الفخ
يكونش فاكرين دمانا دى خمرا !
عجبك يا نيـــل ؟

يلى افتكرت هتجبولى حقى
نسيتوا دمى وزدتوا فى وجعى
وحطيتوا فوق همى
بُكا كل يوم أمى
عجبك يا نيـــل ؟!
**
مش عايز حد يرثينى
ولا يألفلى أغانى ويهدينى
عمر التراب اللى بيأوينى
ما هيصبح ألماس !
ولا هتردوا كدا الحقوق للناس
الدم يا ثوار
الدم عمره ما يصبح ميه !
ولا نسيتوا مطالبنا ؟
تغيير وحرية وعدالة إجتماعية
تغيير وحرية وعدالة إجتماعية
ولا نسيتوا يا ثورجية !
ولا قوام حنيتوا لحبايبنا الداخلية ؟!

مش هرضى بنص حالة !
مش هرضى بنص عيشه
مش هرضى بنص حرية
مش هرضى بنص عدالة !
دا كان زمان ودلوقتى إستحالة

تغيير وحرية وعدالة إجتماعية
ولو مكنتوش سمعتوا هتافنا
نسمعكم مره تانية ! .

آيـــه فــــاروق

مجـــرد نــــزوة !

كنت ناسية أو بحاول أنسى انى

كنت يوم من الأيام بحبك

وكنت روحى وكنت عمرى

وكنت حتة جوا منى

وكنت جوا عينى الننى

...

كنت جوا الليل نجومى

كنت بسهر فيك بفكر

والقمر يقولى قومى

كنت شمسى وكنت ضلى

كنت بعشق فيك كأنى

كنت روحى اللى رايحه منى

...

كنت بجيلك قبل معادنا

وأنسى الدنيا وأنسى بعادنا

وأقطف وردة ولبسى جديد

زى الطفلة فى يوم العيد

واجرى عليك ...

.....

كنت بحبك حب جنون

كنت بسيرتك أنام وبقوم

وياما عشان جم ولمونى

وياما عشانك اتحملت اللوم

....

كنت بحبك بعشق عينك

بتوه فى سوادها كأنى شريدة

وكنت برغم قربى منك

وكنت برغم حبى ليك

كنت بحس كأنى وحيدة

عايشة معاك وفى نفس الوقت

فى دنيا غريبة

...

كنت بحاول أفهم منك

بس ألاقينى ببعد عنك

كنت بخاف أقولك خايفة

كنت بخاف تقسى عليا

كنت بحاول أدارى دموعى

أنسى همومى

يوم ما تجينى وتلمس ايدى

انسى ظنونى

...

أتارى قلبى كان حاسس

كان عارف

حاول يقولى انه شايف

غميت عنيه وكملت

صميت ودانى ولا سمعت

ومنسحبتش !

وقت وجب الإنسحــــاب

وادينى دلوقتى خسرت !

.........

تسمع منى وتسمع منهم

ومفرقتش عندك عنهم

كنت أتفضل امشى وفكر

أسأل تانى أعرف أكتر

تعالى أسألنى كنت أتكلم

واخترت تسكت وأنا بتألم

وسكاتك خلى الجرح يعلم

...

كنت ظالمنى وانت عارفنى

عارف انى لا يمكن أجرح

أو اعمل حاجة فيك تدبح

دا انا كنت بخاف عليك

يمكن أكتر من نفسى

دا لما قالولى دا قال عليكى وقال

قلت بردو بحبه وبعلو حسى !

وكدبتهم وياريتنى صدقتهم

كنت عرفت بدرى شوية

ووفرت عليك مُدة

بتمثل فيها عليا

.....

كنت جوا حضنى عايش

كنت كل حاجة حلوة

ولا غيرك قلبى شايف

كنت غنوة وسط دوشة

كنت ايد بتفك شنقة !

كنت وانت جمبى عِزوة

ومن اللى فيا عملته

بقولك دلوقتى آسفة

كنت فى حياتى مجرد نزوة !!

التاج دا او بمعنى أصح "تحقيق" جالى وربنا يستر ^^

من كام يوم بعتتلى لولو حبيبتى التاج دا اللى اكتشفت بعد كدا انه ولا تحقيق أمن دولة "الله يرحمهم" :D
سوف نجاوب وربنا معانا بقا انا عارفة ان لولو بتحبنى وهتعزنى اوى فى الأسئله دى !!
:D :D
بسم الله
*********************************
تاااااااااااااااااااااااج الجزيرة عبيبتى وأوح هارتى يوشا
التاج ده ليكى مخصوص
حبيبتى يا مظبطانى ههه ربنا يستر
معرفش ليه الايام دى حاسة أنى لازم أدى كل صحابي اللي عندهم مدونات تاج الظاهر دى وصيتى ولا أيه ربنا يستر
بعد الشر عليك يا جميل انشاله البطة السودا
:D :D
يلا يلا يلا يلا عشان محدش يقول أننا مأنتخين بعد الثورة ولا حاجة أهو شباب زى الورد وشغالين وبعد أن فعلناها ولله الحمد والمنه بعد أن غنينا كثيرآ أنما للصبر حدود ياحبيبي (حبيب العادلي) فأننا قد أستطعنا أن نثبت له أن صبرنا نفذ وخلصنا علي أمن الدولة وعملنا أمن المدونات نياهاهاهاهاهاهاهاهاهاهاهاها
ولذلك فقد قررت أهدى حضرتك التاج ده وأفتح معاكى تحقيق خش عالباشا
:-s
1_ وطزرونوم ( يعنى أسمك بالعنجليزى)
Aya farouk
يعنى آيه فاروق بالعربى
:D

2_أسم الشهرة اللي صحابك بينادوكى بيه
يويو يوكا يوتا آيتا أيويا أيوى
كتير متعديش هههه

3_ سنك
احم 19 ان شاء الله

4_دراستك
فرقة أولى صيدلة المنصورة

5_مجال شغلك
صيدلـــــة وخليفة علا ان شاء الله هههههه
6_ أسم مدونتك
بنتى حبيبتى هههه
بنوتة مصرية بنكهة عصرية

7_أنتى فتحتى مدونتك دى ليه
عشان استفيد واعرف اكتر واهوالاقى حد يقرألى يعنى مش هفضل اكتب لنفسى كدا كتير
:D

8_هلي فكرتى أنك تقفلي المدونة دى
اممم موصلتش لليأس دا لسا ههه

9_لو جيتى فيوم لاقيتى الباسوورد أتسرق هتعملي أيه
هقعد ادعى على اللى سرقة اللهى يتنشر على حبل غسيل وما يلاقى حرامى غسيل معفن ينزله ههههه
وفى الاخر هضطر أسفةً اعمل مدونة تانيه اهىء اهىء
بعد الشر عليا
:D

10_لو لاقيتى تعليق مالوش علاقة بالبوست اللي كتباه لكنه تعليق قلة أدب وسب في جناب حضرتك هتعملي ايه

ههزأه الأول وبعدين أشيل الكومنت بتاعه وبتاعى واجنور محترم كدهون يعنى ههههه


11_صورتك الرمزية اللي في ملف تعريف المدونة مختاراها علي أى أساس
امم بحسها انا كدا البت اللى بتقطف تفاح دى
:D

12_برجك أيه؟ وهل أنتى متابعة حظك اليوم
انا العذراء بس مش متابعة اوى يعنى

13_أهمية الكومنتات بالنسبة ليكى
بعزها زى عنيا ههه وبعز اى شخص يسيب كومنت بجد بيبقى شخصية محترمة جداا ههه وبيدخل السرور لقلب صاحب المدونة
LOL

14_ أجمل مدونة قولتى عليها واااااااااو غير مدوناتى طبعآ
هههه بدون مجاملة مدوناتك كله تحفه وفى كمان مدونة مورو دى تحفة
ونهال وشوية ناس كدا موش فاكره اسامى دلوقتى
:D

:P 15_مجال الكتابه في مدونتك هل ماشيه في أتجاه معين ولا كوكتيلك
كواتيل على ميدلى
:D :D

:D 16_أتعرفتى علي التدوين أزاى
من وانا فى ثانوى بالصدفة كداهون ههه وبعدين الموضوع كبر معايا

17_أيه البوست اللي بتقولي ياريتنى أكتب واحد تانى في روعته
على المددونات معتقدش كتبت حاجة فذه اوى لكن عالفيس فيه يااااااما هههههه
دايما كومنتاتى روعة
:D

18_لو لاقيتى نقد كتير في مدونتك هل ده هيدفعك لأغلاقها
شوور لأ ممكن اصلح من نفسى لو انا غلطانه فى حاجه واخد اراء وكدا
بس لو نقد بقا غرضه يزهقونى فى عيشتى فهكبر الجمجمة وخلاص
:D
19_الشغل بالنسبالك أيه
شغل ايه لا مؤاخذه انا لسا بدرس اهىء
بس لو قصدك شغل البيت فدا يمثلى كابوس اىء اهىء بردو
ولو قصدك شغل نفسى
أى "بشتغل نفسى"
فا دا بيمثلى كل حياتى
:D :D

20_أيه أسوأ مدونة دخلتيها
اممم ناس مبتدئه كدا متعرفش يعنى ايه مدونة أصلا بس اشطه بكره يتعلموا هههه

21_ ياترى بتقولي عليا أيه دلوقتى في سرك
تعبت من الكتابه وانا اصلا فى ايام امتحانات حراام عليكى
معندكيش اخوات بنات !!
:( :( :(

:/ 22_ياترى تمررى التاج ده لمين

اممم امرره لصاحبتى العثولة اللى اتعرفت عليها مؤخرا
Nahollla
بس هظبطلها الأسئلة بعد الامتحااانات لازم نتوصى بيهااا
:D :D
23_ وأخيرآ هل كان لمدونتك دور في شعلله الثورة :)
اممم والله انا كتبت قصائد وكذا مقال وشاركت على اد ما اقدر
ياريت اكون عملت حاجة ! بس مش شعللة يعنى ههههه

علي الله بقي تحمرقي ولا تاكلي سؤال ولا تطنشيه عشان أقصف رقبتك وأخيرآ رغم أنى أعرفك من فترة مش كبيرة قوى بس بجد أنا حاسة أنك من البنات اللي دخلو عليا حياتى ملوها يعنى بصراحة مالكيش في قالو وقولنا ونقل الكلام وشغل الاطفال ده عشان كده أنا مستخسرتش فيكى وجبتلك التاج من عند الحاجة فيكتوريا ذات نفسها وهى أدتهونى من غير ولا كلمة لما عرفت أنه ليا( واااااااااااااااااااااااااصله) وأخيرآ ليكى منى كل ال love

وانا والله بجد حسيت اننا أصحاب من زماااان لو انى لسا عرفاكى مش من كتير وكمان انتى اكبر منى بشوية صغنونة هههه بس بحبك اوى واتمنى نفضل أصحاب واحلى من ناو كمان
:)
ميرسى يا حبى لييييييييييكى
<3


ليلي الشعينى
مدونة فنانة

***************************************************************
واخيرا خلصت من هذا التااااج كل تااااااااااااج وانتوا طيبين يا بنى آدمين
:) :) :) :)

زى أختـــك

سايقة عليك الطريق اللى جمعنا
سايقة عليك الليل وسهرنا
واللى بنا اللى عمره فى يوم ما دمعنا
وأغانى عمرو دياب اللى ياما غنا وسمعنا
لتفتكرنى وانت مسافر
وأمانة عليك ما تخلى البعد يسرقنا
....
هتقول مجنونة طب وماله
منا من يوم ما عرفتك وأنا قلبى الوجع بيحلاله
طول عمره كان فى حاله
ولا لحب ولا لسهره عمره فتح بيبانه
ولما شافك
لا استنى تقول دستور ولا تخبط
وجرى لعندك فتحلك بابه !
....
ونفسى أقولك
بس خايفة ألقى صدك
نفسى اقولك بس خايفة يجرحنى ردك
قلت ألمْح
مره تفهم
بس عامل مش واخده بالك
شكل سهرى و تعبى دا بيحلالك
ولما تتكلم قصادى
أتوه فى وسط الكلام
وأسرح قبالك
وياربت فى بالك !
كان هان عليا العذاب
وسهرى أبص على شباكك
وأتاريك بحب غيرى !
طب ياريت كان اسمى .. غيرى
غلبان يا قلبى وحظك قليل داير تقولى ارحمينى
حبيتيه وذلتينى
وعينى كمان بتلومنى
طب ليه معاكى سهرتينى !
........

عمال يجيبلى فى سيرتها
ويتغزل فى جمال خطوتها
ويقولى هى دى اللى أنا حبيتها
وشوية يقولى مش فارقة
حبيتها بس فى الدلال سايقه
تقلانة عليا ومش فى بالها !
..
طب تعمل ايه فى واحدة سهرانة تدعيلك
حتى فى غناها تكتب وتغنيلك
حتى وانت مش سامع
منك بتشكيلك
ويادوب تنطق اسمها
جرى لعندك تجيلك
....
عبيطة !
وتعبنى الحب وقرفه
كرهت وجعه وسهره
وياريتك حاسس
دايرلى فى كل حته
فرحانلى اوى بصوتك
عمال تغنى هنا وهناك
ومليون واحده بتشوفك
ودى رايداك ودى عيزاك
وما يلاقوا منك غير كسوفك

طب ليه من الأول
تفرد شباكك عالكل
وتخلى الحكاية تطول
ودى سهرانه ليلاتى
ودى دمعها بقا عادى
وانت يا عينى برىء
ولا كلمة منك تبل الريق

....
وبردو تيجي وتحكيلى
ومن الدنيا بتشكيلى
وبردو تقولى رايدها
ولا غيرها هى عايزها
وشوية هتروح تبوس ايدها

وانا اقولك ايه اللى رماك
ولقلب مش ليك مين وداك؟

سكت هو ورد فلبى ..
طب ما تقولى انتى لنفسك!!
مرمية عليه ومش حسك
بتبكى ادامه ومش شايفك
ومهما تقولى وتعلى حسك
بردو مش سامعك
....

طب انا يعنى اعمله ايه
ولا انا فى ايدى ايه
ولا يعنى انا كان نفسى اتعلق بيه !
وان حياتى تقف عليه
منا عملت كل اللى فى ايدى عشان ارضيه
وبردو مش حاسس
شلت قلبى من مكانة وودتهوله
لاقيته لبعيد باصص
دا انا لو دمعى كان حجر
كان عمل جبل رمله حامص
لو هتبعد وهتسافر.. فارق من دلوقتى
قلبى خلاص مبقاش ناقص !
..
هتوحشنى ايوا
وهفضل باصه على شباكك
بس هبطل وانت مش شايف
أبكى قصادك
هرتاح من الوجع شوية
بس شوقى ليك أكبرها غرامه
بس هتحمل
لاجل ما يبقالى شوية كرامة

دا أنا لو روحى فى ايدك !
خلاص خلصت الحكاية
وهسيبك بقا براحتك
مبقاش قلبى خلاص بيتك
وادى جزاتى انى حبيتك
خرجت مدبوحة من ساحتك
وابقى قابلنى ان هى جاتلك
ويوم ما تحس على دمك
وتجينى وتعرف مين اللى بجد حبك
ساعتها هقولك
سامحنى يا غالى
....
أنا زى أختك

تــاء تــأنيث

نساء .. فتيات ..جميلات .. رائعات
ووصفونا بالــ ....
صعدوا على المسارح وقدموا لنا أدبا
وجابوا الصالات ركضا ومشيا
ونعتونا بما يريدون
وأطلقوا عليه .. شعرا
...
وقفوا يصفون فى زينتنا وملابسنا
وضف جدولا مقتظا من أبشع الصفات
كاسيات عاريات
مائلات مميلات
ظاهرات مظهرات
وجلسنا وكأن على رؤوسنا الطير
وصمتنا خاجلات
عذرا سيدى لسنا منك خاجلات !
ولكن .. كان فى القاعة قاصرات
...
بناتُ فى بند صنفتهن
ماذا فعلت أنت لتغيرهن ؟
اعتليت مسرحا ؟
وسبتهن؟
ولم تتكلف حتى العناء
بأن تدعى ربك ليهديهن
فبالله عليك !
كيف تتوقع بأن حديثك سيقنعهن ؟
لما لم تتبع منهج رسولك
وبالطيب تدعوهن ؟
وإن لم يستجيبوا
فعافاك الله
هذا أصبح من شأنهن !
..
لما أصبحت هويتنا
ملوثة بسوء فكركم
نشأنا فى مجتمع
رافضا لنا
يحاربنا ويضللنا
وكل من فيه يتلذذ بنقضنا
نتحرر ونتفتح
تذبحونا على مقاصلكم
نتدين ونتخمر
تسجنونا فى معاقلكم
نعتدل ونتوسط
تسبونا على مسارحكم
يا وليلكم اصبحتم
كحكام أمتكم !!


عذرا لم بدر عنى من انفعلات
ولكنِ واحدة مثلهن
أرتدى أحيانا البادى وأحيانا أخرى الجينزات !
فكيف أفصل نفسى عنهن ؟
ففى النهاية كلنا فى الدين أخوات
فلا ذنب لنا
لنستمع لإتهامات وإهانات
لا ذنب لنا ولا جرم
سوى إننا فتيات معتدلات

صباح الخيـــــر

صبح علينا بطلتك
ويا الشمس بغنوتك
دق الشبابيك وفتح البيبان
يا محلاها دخلتك
ويا محلا صباح الخير من شفايفك
بتحرجنى برقتك
واصلنى صوتك من بعيد
عيزاك تسرع خطوتك
ياريت كل ساعه يوم جديد
لاجل ما تقولى صباح الخير
ومعاها اشوف بسمتك
:)

حدوتــــــــة مصريــــــــة

أنا لسا فاكر المركبة

وقعدتنا الحلوة وسهرنا

وصوت النيل بالليل

بيضحك على صوت هزارنا

ولما كنا نضحك على ظروفنا

ويتعجب مننا قمرنا

شلة صحاب يائسة

أحمد ومينا وسيف

عايشين حياه بائسه

نهرب بضحكتين

من غلبنا وشقانا

وبسهره حلوه ننسى

اللى وجعنا جوانا

وكنا دايما نغنى

يا ليل طول شويه

عالصحبة الحلوة ديا

...

وكنا نروح ننام

ونقول بكره أحلى

نحلم حلم على ادنا

يمكن أمل يلمحنا

بس والله زهقنا

دا احنا من كتر شكوتنا

للبحرملحنا

وياما غنانا بالليل

ما ريحنا

نصحى الصبح نلاقى

الحال هو هو

واحنا برده زى ماحنا

.....

وفى يوم خدت أصحابى مينا وسيف

وقولتلهم هنعمل ثورة

هنعمل ثورة !

ضحكوا عليا وقالولى

اسكت يا أهبل هتكون سبب فى دمارنا

خلينا صابرين أحسن

خايفين على أعمارنا

كنا عيال طايشة

ملناش فى أى حاجة

حتى كنا دايما نقول

ملناش فى السياسة

أنا كنت شاب زى غيرى

عايز أنجح فى الدراسة

كان نفسى أتجوز وأخلف

ابن يشيل أسمى وراثه

بس كرهت كلمة ( وراثه)

......

وفى الاخر اقتنعوا

وخدنا صحابنا وقولنا نروح عالميدان

ورفعنا علم مصر

وطالبنا بالحرية

وقولنا ارحل يا جبان

كفاية بقا تقفيل فى البيبان

اسمعونا مره واحده

عرفونا مين اللى باع ومين اللى خان

30 سنة ساكتين

والظلم عشش فى الشوارع

30 سنة صابرين

والكل اتعمى ولا حد سامع

وما كنا نتكلم

ميت صوت عالى يخرسنا

وقال ايه كفاياكم مطامع

...

ولاول مره الناس صحيوا

وجم هتفوا معانا

ولأول مره حد يحس بوجعنا

كام مره عشانك يا وطن دمعنا

وعشان نعيش فى حقنا ضيعنا

وعشان الأستقرار

فى كرامتنا موتنا وفى جنازتها شيعنا

بس سامحنى يا وطن استكفيت

والنهارده بهتف ان حياتى ليها معنى

...

سهرنا هناك كام يوم

واتحملنا قنابل وشوم

وهتفنا بصوت عالى

عمر السهر ما كان كدا بيحلاى

كنت بحس ان الليل بيغنينا

وان الشوارع فرحانة بينا

وان القمر بيهنينا

ولما كنا نقوم نصلى الفجر

كان مينا بيحمينا

...

كنا صباح جمعه

وكانت ملايين فى الميدان بتجمعنا

صوتنا عالى أعلى من صوت القمع

ونشفت الشمس من على خدودنا الدمع

كنت حاسس انى طاير

حاسس انى قريب من شىء

حاسس ان الفرح مش بعيد

ان حقى خلاص هقدر ألمسه

وأن حلمى الصغير هقدر أحققه

بس فوقتنى من حلمى رصاصة

ورمتنى عالأرض قتيل

مرت أدامى كل حياتى فى ثوانى

وافتكرت ان أمى فى بيتنا بتستنانى

هرجعلك يا أمى شهيد

افرحى

دا انا ممدودالى من الجنة ايد

....

ان كنت مت غدر

فيكفينى ان بعدى طلع للحرية فجر

رحل الجبان

واتحبس اللى خان

بس الحدوتة لسا مخلصتش

ما هو عشان يطلع القمر

لازم قبليه يهل البدر

....

فمتستعجلوش وخدوها واحده واحده

ثورتنا أكبر من انها تخلص فى قصة واحدة

ولا تسمحوش لحد فى يوم يفرقنا

مش عشان دستور هكرهه صاحبى مينا

العبوا غيرها ودستور يا أسيادنا

أنا فى الأول والأخر انسان

أنا مصرى

مسلم ومسيحى وعلمانى وليبرالى وإخوان

..

أنا كل شارع فيكى يا بلدى كاتبلك فيه اسمى

وحبى ليكى أكبر من حدود وصفى

لا عمرى بخلت عليكى ولا حتى بروحى

ومهما صبرى يطول هتحمل فوق جروحى

ما انت ياما ارضك شالتنى

وسماكى الزرقا ضللتنى

وقمرك يشهد عليا ونيلك

لما كنتى بردو قاسية وبغنيلك

أنا هفضل أبنى فيكى

وأكبرك وأعليكى

وأصونك يا مصر عروسة

وهتفضلى دايما وأبدا

فخر ليا وللعروبة

happy mother`s day ^_^

To all my dear bloggers

i hope u all right and feeling good

and i also hope that u already bought to ur mothers mother`s day gift even if it was something small
but it is enough for her to not feel forgotten :)

u better buy it now and introduce it to her on 21 of march

and .. kol sana wenta taybeen :)

ويستمر كرهى للون الأصفر !

يا جدعان أنا حمضت والله وشوية وأنا كمان هيبقى لونى أصفر !
الواحد بيتعلم عشان يبقى شخص معاه شهادة ومثقف كدا وحلو وفله شمعه منورة "ويبقى مع الناس بقا "
مش بيتعلم عشان شعره يقع ويخس النص أيام الإمتحانات ويجيله صداع نصفى مزمن دون ذكر "صداع الحواجب" واللى أنا شخصيا بعانى منه ويعد من أصعب أنواع الصداع وربنا :( :(

مش بنتعلم عشان نمشى هائمين على وجهونا أيام الإمتحانات أشبه بالزومبى اللى فى أفلام الرعب ال
low budget :D

ولا علشان ننام نحلم بالسكشن أو الشيت ونعمل زى المجانين

مسأله تانيه لأ
الفلاسك اتكسر
السحاحه بتنقط
الدروبر بتطلع لفوق
:D

ويقوم أخوك الصغير يلطشلك :(

والله يا جدعان الواحد أيام الإمتحانات بتحاشى أبص فى المرايه
ولما أقف ادامها مش بيجى على بالى الا حاجة واحده

"قوليلى ايه يا مرايتى قوليلى ايه حكايتى
تكونشى دى نهايتى واخر دمعتى
انا مش عارفنى انا تهت منى اهىء اهىء انا مش انا "
للفنان الكبير عبد الباسط حموده
:(

بتأثر اوى والله منا قلبى روهيف بردو ومش بستحمل أشوف المناظر دى
بس الواحد هيعمل ايه يعنى لازم نكمل
ونتنفخ نتنفخ ومنلاقيش حتى دبوس يشكنا يفرقعنا !
والأخر ...
وبكل سهوله ...
يقابلنى فى الطريق ...

لونأ أصفراً
وكأنه يسخر منى فى وجهى
ويقول :

"حظا سعيدا المرة القادمة "
ولا أكنى بدور على كيس شيبسى هدية
:( :(

احنا تعبنا من المعاملة دى يا ناس
وقال ايه الأصفر بيهدى الأعصاب
دا انا عمرى ما هبص لحاجة أصفره بنفس المنظور تانى
حتى البرتقان هتتغير نظرتى ليه
:(
حتى الموز هخاصمة
:(

التفاح اللبنانى هقاطعه :(

خلاص كنت قبل كدا آيه ومن النهاردة آيه تانية خالص
:( :(

أنا مبقتش طيقاك يا أصفر
أنت وحش
:( :(

وحرام عليكو بقا معتش عايزه أشوف أصفره فى النتيجة
كفاية الأحمره اللى مطلعنها علينا طول السنة
:( :( :(

أنــا حقــاً أعتـــرض

:D :D

وبس خلاص

البدلة دى بتاعتى يا كبير !!

أحب أنوِه فى الأول انى فى ظروف لا تسمح لى بالكتابة مطلقاً.لأنى بعد ما جيت من الجامعة النهاردة فوجئت بوفاة عمتى. وكان فى شوية لخبطة عدا عن ذلك نفسيتى تعبانة جداً.لكن قبل ما أعرف الأخبار السيئة دى كان عندى نية الكتابة عن اللى حصل النهاردة فى الجامعة فى موضوع حفلة تكريم الشهداء .

ولكن بعد ما عرفت اللى حصل قلت مش وقته . بس لما شوفت رسالة صديق ليا من جروب أولى صيدلة المنصورة الأصلى حسيت انى لو سكت عن الحق هكون زى الشيطان الأخرص !

فدعونى أضع بظروفى جانبا ولنتحدث قليلاً.

.............................

النهاردة قلت أخرج أنا وأنتيمتى وأختها "اللى هى أنتيمتى بردو" ونروح حفلة تكريم الشهداء اللى كان من المفترض هتُعقد فى كلية تجاره فى مدرج المهدى لتستوعب أكبر عدد من الحضور."اللى كان مجانى"

الحفلة دى للى ميعرفش هى المفروض كانت هتكون حفلة تضم فقرات كتير منها لشعراء موهبين من أكتر من كلية زى كليتنا صيدلة وغيرها وأغانى وكمان من ضمن لفقرات الختام كان هيضم أغنية لحمادة هلال ورامى جمال. اللى قرروا يجوا"بدون أجر مادى"لما عرفوا ان الحفلة دى هيحضرها الحاكم العسكرى وأهالى الشهداء وفقراتها كلها هتضمن تكريم للشهداء بتوع ثورة 25 يناير. تمام لحد كدا ؟

رحنالكم الجامعة ودخلنا تجارة واذ فجأة لاقيناهم بيقولوا انها أتلغت !

لوهلة شكيت فى نفسى قلت يااه أول حفلة أحضرها فى الجامعة دى تتلغى دا أنا سرى باتع !

أخت صاحبتى كانت تعرف أحد منظمين الحفل وهو شاب من تجارة أعتقد فرقة تانيه ودا زميل شخصى للشهيد "محمد أمين" وكان كله همه يطلع حفله تليق بالشهداء دول وقعد يقولنا هما أد ايه تعبوا عشان يجهزوا ليها. والأخر بكل سهوله عشان حوالى 25 واحد عاملين مظاهره اتلغت !

حاولنا نفهم أكتر فشرحلنا اننا قبل ما نيجى بشوية كان فى شوية شباب موجودين وبيطالبوا بإقالة رئيس الجامعة وكمان المحافظ. وتعرضوا لإقامة الحفلة دى عشان ايه بقا ؟؟ وسع للمفاجأه ..

المحافظ ورئيس الجامعة ممولنها وعاطيين لكل مطرب 200ألف جنيه وكل واحد من التنظيم واخدله 15 ألف جنية وبدله "مش عارفه بالجرافته ولا لأ " لأا وايه بقا ؟ " لااااااب توب"

يااه أول مره أعرف ان منظمى الحفلات مسترزقين أوى كدا !!!

والله الحوار دا فكرنى بحوار خمسين دولار وواجبة كنتاكى ! "والمعنى فى بطن الشاعر" .

المهم انهم جم يتظاهروا وبين بعضهم البعض بيقولوا الكلام العسل دا.

حقهم التظاهر ! جت عليهم يعنى ! ما كل الناس اليومين دول ماشية تقول باطل على أى حاجة اشمعنا هما يعنى !

وشغالين باطل باطل ! ووقفوا ادام المدرج ومنعوا الناس من الدخول .

وعشان الجيش عسول وقمور وشايل الشعب على حجره . عشان يفض المظاهرات خلاص فركش لازم نرضى العساسيل دول مفيش حفلة.

اقفلوا البيبان مشوا الأهالى فى ستين سلامة اللى جم دول ! وفضوا الساحة ادام المدرج من الناس وبس كدا .

جه واحد تقريبا من المسئولين "معرفش الصراحة دا بيشتغل ايه بس شكله موظف فى الجامعة شايل أوى من رئيس الجامعه والمحافظ والطلبه نفسهم وكان شويه وهيضربهم" المهم دا كان بيحاول يفض الناس

والشخص اللى كان من اللجنة المنظمة كان عمال يفهمه ان دا تعب ناس وهما مكنوش بيعملوا حاجة غلط كل اللى كنا عاوزينه نكرم الناس اللى ماتت ونعمل حفل كويس . اتقال علينا وحشين واتشتمنا وقال واخدين فلوس وعلى لسانه "اقسملك بالله البدله دى بتاعتى وانا لا شوفت فلوس ولا لابتوب ولا حته كوبايه شاى طول الفتره اللى كنا بنظم فيها "

بس هيقنع فى مين !

وهما واقفين بيتكلموا عدا عليا انا وصاحبتى واحد من اللى كانوا حاضرين الوقفه دى وفجأه انسحب من التجمع وراح يرد عالتليفون وهو ماشى سمعته بيقول للى عالتليفون "ايه ؟ لأ مفيش حفله وهو بيضحك كدا ..لاغيناها ههه"

أنا سمعته الشخص اللى بلحية دى بيقول كدا وهو مبسوط اوى وكان هاين عليا ألطشله بس مكنش فى ايدى حاجة أعملها !!

عرفت بعد كدا انه حد من اللى كان فى المظاهرة وبيقول على المنظمين الشائعات دى.

اخيرا جه المسئول عن الجيش فى الجامعة وكلم الشاب نفسه بتاع "البدلة" ودا بقا الناس اتلمت حواليه وهو بيتكلم ودا كان كلامه .

"مقدرش أخلى حفلة تتعمل فى تجاره وفى نفس الوقت فى متظاهرين بالغائها من تجارة نفسهم وكليات تانية .. وأعتقد انى قلت ان لو فى اى مظاهرات هتتلغى ."

المهم كان كلامه براحه ومقنع الى حد ما وبعدين الراجل من الجيش يبقى على راسنا وهو بهزار قال للبنات يلا بقا " عشان تلحقوا تعملوا المحشى وتطبخوا " فضحكنا وهزرنا معاه وأنا بدورى عزمته عالغدا فقالى متشكر "ههه نجا بحياته !" وقال للشباب "يلا عشان تلحقوا تاكلوا الأكل " بيهزر بردو ههه شربات !

وبس كدا ,,

أسمحولى أتكلم أنا بقا بعد ما عرضت الوضع وأقول وجهة نظرى..

أولا (الشباب اللى اتظاهرت أدام المدرج عشان تمنع الحفلة)

بصراحة أنا مش عارفة انتواا بتفكروا ازاى ؟

لو كان عندكم مشاكل مع رئيس الجامعه تظاهروا عند مكتبة واعملوا اللى انتوا عاوزينه عندكم مشاكل مع المحافظ روحوا المحافظة وأقيموا هناك لحد ما يمشى محدش هيعترض طريقكم.

مش عاجبكم انها كانت هتضمن غنا كنت سد ودانك ومتسمعش !

منا بحاول أشوفلكم أى عذر مش لاقية !

لكن تضيعوا تعب ناس مشافتش النوم بقالها أيام عشان تحضر للحفلة دى مقابل لا شىء يبقى حرام عليكم "يبقى اللحية اللى انت مربيها دى روح حولها أحسن لسكسوكة"
بس متقولش على ناس شرفا أخدوا فلوس ولابتوبات وبدل وناقص تقول وجبة من كوك دوور !

ثانيا (الجيش فى الجامعة)

أنتوا على راسنا دا أولا
أما ثانيا : لو هتكون دى إدارتكم لأى مظاهرات أو تجمعات فى الجامعه كدا ! فشكله هيبقى ترم مثير جداا !!
أى حد عسول دلوقتى بدون أى وجه حق ممكن يعمل مظاهره بس هيجى على حق غيره يبقى حرام عشان تهديه تظلم غيره دا !
ودا اللى حصل النهارده
مع كامل احترامى ليكم ولكل فرد فى الجيش بس اللى حصل النهاردة ضايق الكل !

ثالثا (لكل الشباب المنظمين للحفلة ولكل الشباب اللى كانوا هيشاركوا بفقرات فى الحفلة)

أنا اللى بقولكم أنا أسفه ليكم انكم فى الموقف دا
وانكم بجد أتظلمتم
بس قدر الله وما شاء فعل
وميهمكوش كلام حد بدام نواياكم كانت سليمة .

رابعا (للغلبان اللى بيقرا الموضوع)

أنا أسفه انى طولت عليك بس كان لازم أقول كل حاجة
أعذرونى لو كنت منفعلة فى بعض الألفاظ بس فعلا الموضوع يضايق !

وشكرا ليكم على وقتكم,,