اه يا ابــو شامه

اه يا ابو شامه يا شاغلنى بقالك كام يوم

يا محير قلبى ومسهرنى ومبدوقش النوم

منا كنت نسيتك فكرتنى ليه بيك

اعمل بقا ايه بعد ما علقتنى بيك

بستنى خصامك لسكاتك ايام وايام

والكلمة منك تعشمنى لسنين أدام

والقلب بيسأل فينك أنا مش حمل ملام

كلمنى عنك وأخبارك دا التقل حرام

بتدارى عيونك بالنضاره قال يعنى مش شايفه اللى فيهم !

وكسوفك بيبان بجداره مهما تداريهم

اتبختر يا جميل فى الشارع دا مفيش فى جمالك اتنين

ونور يا قمر الحارة واحرق قلب الحاسدين

قلبى وقلبك مبقوش خلاص اتنين

بقوا واحد والقمر والليل علينا شاهدين