حدوتــــــــة مصريــــــــة

أنا لسا فاكر المركبة

وقعدتنا الحلوة وسهرنا

وصوت النيل بالليل

بيضحك على صوت هزارنا

ولما كنا نضحك على ظروفنا

ويتعجب مننا قمرنا

شلة صحاب يائسة

أحمد ومينا وسيف

عايشين حياه بائسه

نهرب بضحكتين

من غلبنا وشقانا

وبسهره حلوه ننسى

اللى وجعنا جوانا

وكنا دايما نغنى

يا ليل طول شويه

عالصحبة الحلوة ديا

...

وكنا نروح ننام

ونقول بكره أحلى

نحلم حلم على ادنا

يمكن أمل يلمحنا

بس والله زهقنا

دا احنا من كتر شكوتنا

للبحرملحنا

وياما غنانا بالليل

ما ريحنا

نصحى الصبح نلاقى

الحال هو هو

واحنا برده زى ماحنا

.....

وفى يوم خدت أصحابى مينا وسيف

وقولتلهم هنعمل ثورة

هنعمل ثورة !

ضحكوا عليا وقالولى

اسكت يا أهبل هتكون سبب فى دمارنا

خلينا صابرين أحسن

خايفين على أعمارنا

كنا عيال طايشة

ملناش فى أى حاجة

حتى كنا دايما نقول

ملناش فى السياسة

أنا كنت شاب زى غيرى

عايز أنجح فى الدراسة

كان نفسى أتجوز وأخلف

ابن يشيل أسمى وراثه

بس كرهت كلمة ( وراثه)

......

وفى الاخر اقتنعوا

وخدنا صحابنا وقولنا نروح عالميدان

ورفعنا علم مصر

وطالبنا بالحرية

وقولنا ارحل يا جبان

كفاية بقا تقفيل فى البيبان

اسمعونا مره واحده

عرفونا مين اللى باع ومين اللى خان

30 سنة ساكتين

والظلم عشش فى الشوارع

30 سنة صابرين

والكل اتعمى ولا حد سامع

وما كنا نتكلم

ميت صوت عالى يخرسنا

وقال ايه كفاياكم مطامع

...

ولاول مره الناس صحيوا

وجم هتفوا معانا

ولأول مره حد يحس بوجعنا

كام مره عشانك يا وطن دمعنا

وعشان نعيش فى حقنا ضيعنا

وعشان الأستقرار

فى كرامتنا موتنا وفى جنازتها شيعنا

بس سامحنى يا وطن استكفيت

والنهارده بهتف ان حياتى ليها معنى

...

سهرنا هناك كام يوم

واتحملنا قنابل وشوم

وهتفنا بصوت عالى

عمر السهر ما كان كدا بيحلاى

كنت بحس ان الليل بيغنينا

وان الشوارع فرحانة بينا

وان القمر بيهنينا

ولما كنا نقوم نصلى الفجر

كان مينا بيحمينا

...

كنا صباح جمعه

وكانت ملايين فى الميدان بتجمعنا

صوتنا عالى أعلى من صوت القمع

ونشفت الشمس من على خدودنا الدمع

كنت حاسس انى طاير

حاسس انى قريب من شىء

حاسس ان الفرح مش بعيد

ان حقى خلاص هقدر ألمسه

وأن حلمى الصغير هقدر أحققه

بس فوقتنى من حلمى رصاصة

ورمتنى عالأرض قتيل

مرت أدامى كل حياتى فى ثوانى

وافتكرت ان أمى فى بيتنا بتستنانى

هرجعلك يا أمى شهيد

افرحى

دا انا ممدودالى من الجنة ايد

....

ان كنت مت غدر

فيكفينى ان بعدى طلع للحرية فجر

رحل الجبان

واتحبس اللى خان

بس الحدوتة لسا مخلصتش

ما هو عشان يطلع القمر

لازم قبليه يهل البدر

....

فمتستعجلوش وخدوها واحده واحده

ثورتنا أكبر من انها تخلص فى قصة واحدة

ولا تسمحوش لحد فى يوم يفرقنا

مش عشان دستور هكرهه صاحبى مينا

العبوا غيرها ودستور يا أسيادنا

أنا فى الأول والأخر انسان

أنا مصرى

مسلم ومسيحى وعلمانى وليبرالى وإخوان

..

أنا كل شارع فيكى يا بلدى كاتبلك فيه اسمى

وحبى ليكى أكبر من حدود وصفى

لا عمرى بخلت عليكى ولا حتى بروحى

ومهما صبرى يطول هتحمل فوق جروحى

ما انت ياما ارضك شالتنى

وسماكى الزرقا ضللتنى

وقمرك يشهد عليا ونيلك

لما كنتى بردو قاسية وبغنيلك

أنا هفضل أبنى فيكى

وأكبرك وأعليكى

وأصونك يا مصر عروسة

وهتفضلى دايما وأبدا

فخر ليا وللعروبة

happy mother`s day ^_^

To all my dear bloggers

i hope u all right and feeling good

and i also hope that u already bought to ur mothers mother`s day gift even if it was something small
but it is enough for her to not feel forgotten :)

u better buy it now and introduce it to her on 21 of march

and .. kol sana wenta taybeen :)

ويستمر كرهى للون الأصفر !

يا جدعان أنا حمضت والله وشوية وأنا كمان هيبقى لونى أصفر !
الواحد بيتعلم عشان يبقى شخص معاه شهادة ومثقف كدا وحلو وفله شمعه منورة "ويبقى مع الناس بقا "
مش بيتعلم عشان شعره يقع ويخس النص أيام الإمتحانات ويجيله صداع نصفى مزمن دون ذكر "صداع الحواجب" واللى أنا شخصيا بعانى منه ويعد من أصعب أنواع الصداع وربنا :( :(

مش بنتعلم عشان نمشى هائمين على وجهونا أيام الإمتحانات أشبه بالزومبى اللى فى أفلام الرعب ال
low budget :D

ولا علشان ننام نحلم بالسكشن أو الشيت ونعمل زى المجانين

مسأله تانيه لأ
الفلاسك اتكسر
السحاحه بتنقط
الدروبر بتطلع لفوق
:D

ويقوم أخوك الصغير يلطشلك :(

والله يا جدعان الواحد أيام الإمتحانات بتحاشى أبص فى المرايه
ولما أقف ادامها مش بيجى على بالى الا حاجة واحده

"قوليلى ايه يا مرايتى قوليلى ايه حكايتى
تكونشى دى نهايتى واخر دمعتى
انا مش عارفنى انا تهت منى اهىء اهىء انا مش انا "
للفنان الكبير عبد الباسط حموده
:(

بتأثر اوى والله منا قلبى روهيف بردو ومش بستحمل أشوف المناظر دى
بس الواحد هيعمل ايه يعنى لازم نكمل
ونتنفخ نتنفخ ومنلاقيش حتى دبوس يشكنا يفرقعنا !
والأخر ...
وبكل سهوله ...
يقابلنى فى الطريق ...

لونأ أصفراً
وكأنه يسخر منى فى وجهى
ويقول :

"حظا سعيدا المرة القادمة "
ولا أكنى بدور على كيس شيبسى هدية
:( :(

احنا تعبنا من المعاملة دى يا ناس
وقال ايه الأصفر بيهدى الأعصاب
دا انا عمرى ما هبص لحاجة أصفره بنفس المنظور تانى
حتى البرتقان هتتغير نظرتى ليه
:(
حتى الموز هخاصمة
:(

التفاح اللبنانى هقاطعه :(

خلاص كنت قبل كدا آيه ومن النهاردة آيه تانية خالص
:( :(

أنا مبقتش طيقاك يا أصفر
أنت وحش
:( :(

وحرام عليكو بقا معتش عايزه أشوف أصفره فى النتيجة
كفاية الأحمره اللى مطلعنها علينا طول السنة
:( :( :(

أنــا حقــاً أعتـــرض

:D :D

وبس خلاص

البدلة دى بتاعتى يا كبير !!

أحب أنوِه فى الأول انى فى ظروف لا تسمح لى بالكتابة مطلقاً.لأنى بعد ما جيت من الجامعة النهاردة فوجئت بوفاة عمتى. وكان فى شوية لخبطة عدا عن ذلك نفسيتى تعبانة جداً.لكن قبل ما أعرف الأخبار السيئة دى كان عندى نية الكتابة عن اللى حصل النهاردة فى الجامعة فى موضوع حفلة تكريم الشهداء .

ولكن بعد ما عرفت اللى حصل قلت مش وقته . بس لما شوفت رسالة صديق ليا من جروب أولى صيدلة المنصورة الأصلى حسيت انى لو سكت عن الحق هكون زى الشيطان الأخرص !

فدعونى أضع بظروفى جانبا ولنتحدث قليلاً.

.............................

النهاردة قلت أخرج أنا وأنتيمتى وأختها "اللى هى أنتيمتى بردو" ونروح حفلة تكريم الشهداء اللى كان من المفترض هتُعقد فى كلية تجاره فى مدرج المهدى لتستوعب أكبر عدد من الحضور."اللى كان مجانى"

الحفلة دى للى ميعرفش هى المفروض كانت هتكون حفلة تضم فقرات كتير منها لشعراء موهبين من أكتر من كلية زى كليتنا صيدلة وغيرها وأغانى وكمان من ضمن لفقرات الختام كان هيضم أغنية لحمادة هلال ورامى جمال. اللى قرروا يجوا"بدون أجر مادى"لما عرفوا ان الحفلة دى هيحضرها الحاكم العسكرى وأهالى الشهداء وفقراتها كلها هتضمن تكريم للشهداء بتوع ثورة 25 يناير. تمام لحد كدا ؟

رحنالكم الجامعة ودخلنا تجارة واذ فجأة لاقيناهم بيقولوا انها أتلغت !

لوهلة شكيت فى نفسى قلت يااه أول حفلة أحضرها فى الجامعة دى تتلغى دا أنا سرى باتع !

أخت صاحبتى كانت تعرف أحد منظمين الحفل وهو شاب من تجارة أعتقد فرقة تانيه ودا زميل شخصى للشهيد "محمد أمين" وكان كله همه يطلع حفله تليق بالشهداء دول وقعد يقولنا هما أد ايه تعبوا عشان يجهزوا ليها. والأخر بكل سهوله عشان حوالى 25 واحد عاملين مظاهره اتلغت !

حاولنا نفهم أكتر فشرحلنا اننا قبل ما نيجى بشوية كان فى شوية شباب موجودين وبيطالبوا بإقالة رئيس الجامعة وكمان المحافظ. وتعرضوا لإقامة الحفلة دى عشان ايه بقا ؟؟ وسع للمفاجأه ..

المحافظ ورئيس الجامعة ممولنها وعاطيين لكل مطرب 200ألف جنيه وكل واحد من التنظيم واخدله 15 ألف جنية وبدله "مش عارفه بالجرافته ولا لأ " لأا وايه بقا ؟ " لااااااب توب"

يااه أول مره أعرف ان منظمى الحفلات مسترزقين أوى كدا !!!

والله الحوار دا فكرنى بحوار خمسين دولار وواجبة كنتاكى ! "والمعنى فى بطن الشاعر" .

المهم انهم جم يتظاهروا وبين بعضهم البعض بيقولوا الكلام العسل دا.

حقهم التظاهر ! جت عليهم يعنى ! ما كل الناس اليومين دول ماشية تقول باطل على أى حاجة اشمعنا هما يعنى !

وشغالين باطل باطل ! ووقفوا ادام المدرج ومنعوا الناس من الدخول .

وعشان الجيش عسول وقمور وشايل الشعب على حجره . عشان يفض المظاهرات خلاص فركش لازم نرضى العساسيل دول مفيش حفلة.

اقفلوا البيبان مشوا الأهالى فى ستين سلامة اللى جم دول ! وفضوا الساحة ادام المدرج من الناس وبس كدا .

جه واحد تقريبا من المسئولين "معرفش الصراحة دا بيشتغل ايه بس شكله موظف فى الجامعة شايل أوى من رئيس الجامعه والمحافظ والطلبه نفسهم وكان شويه وهيضربهم" المهم دا كان بيحاول يفض الناس

والشخص اللى كان من اللجنة المنظمة كان عمال يفهمه ان دا تعب ناس وهما مكنوش بيعملوا حاجة غلط كل اللى كنا عاوزينه نكرم الناس اللى ماتت ونعمل حفل كويس . اتقال علينا وحشين واتشتمنا وقال واخدين فلوس وعلى لسانه "اقسملك بالله البدله دى بتاعتى وانا لا شوفت فلوس ولا لابتوب ولا حته كوبايه شاى طول الفتره اللى كنا بنظم فيها "

بس هيقنع فى مين !

وهما واقفين بيتكلموا عدا عليا انا وصاحبتى واحد من اللى كانوا حاضرين الوقفه دى وفجأه انسحب من التجمع وراح يرد عالتليفون وهو ماشى سمعته بيقول للى عالتليفون "ايه ؟ لأ مفيش حفله وهو بيضحك كدا ..لاغيناها ههه"

أنا سمعته الشخص اللى بلحية دى بيقول كدا وهو مبسوط اوى وكان هاين عليا ألطشله بس مكنش فى ايدى حاجة أعملها !!

عرفت بعد كدا انه حد من اللى كان فى المظاهرة وبيقول على المنظمين الشائعات دى.

اخيرا جه المسئول عن الجيش فى الجامعة وكلم الشاب نفسه بتاع "البدلة" ودا بقا الناس اتلمت حواليه وهو بيتكلم ودا كان كلامه .

"مقدرش أخلى حفلة تتعمل فى تجاره وفى نفس الوقت فى متظاهرين بالغائها من تجارة نفسهم وكليات تانية .. وأعتقد انى قلت ان لو فى اى مظاهرات هتتلغى ."

المهم كان كلامه براحه ومقنع الى حد ما وبعدين الراجل من الجيش يبقى على راسنا وهو بهزار قال للبنات يلا بقا " عشان تلحقوا تعملوا المحشى وتطبخوا " فضحكنا وهزرنا معاه وأنا بدورى عزمته عالغدا فقالى متشكر "ههه نجا بحياته !" وقال للشباب "يلا عشان تلحقوا تاكلوا الأكل " بيهزر بردو ههه شربات !

وبس كدا ,,

أسمحولى أتكلم أنا بقا بعد ما عرضت الوضع وأقول وجهة نظرى..

أولا (الشباب اللى اتظاهرت أدام المدرج عشان تمنع الحفلة)

بصراحة أنا مش عارفة انتواا بتفكروا ازاى ؟

لو كان عندكم مشاكل مع رئيس الجامعه تظاهروا عند مكتبة واعملوا اللى انتوا عاوزينه عندكم مشاكل مع المحافظ روحوا المحافظة وأقيموا هناك لحد ما يمشى محدش هيعترض طريقكم.

مش عاجبكم انها كانت هتضمن غنا كنت سد ودانك ومتسمعش !

منا بحاول أشوفلكم أى عذر مش لاقية !

لكن تضيعوا تعب ناس مشافتش النوم بقالها أيام عشان تحضر للحفلة دى مقابل لا شىء يبقى حرام عليكم "يبقى اللحية اللى انت مربيها دى روح حولها أحسن لسكسوكة"
بس متقولش على ناس شرفا أخدوا فلوس ولابتوبات وبدل وناقص تقول وجبة من كوك دوور !

ثانيا (الجيش فى الجامعة)

أنتوا على راسنا دا أولا
أما ثانيا : لو هتكون دى إدارتكم لأى مظاهرات أو تجمعات فى الجامعه كدا ! فشكله هيبقى ترم مثير جداا !!
أى حد عسول دلوقتى بدون أى وجه حق ممكن يعمل مظاهره بس هيجى على حق غيره يبقى حرام عشان تهديه تظلم غيره دا !
ودا اللى حصل النهارده
مع كامل احترامى ليكم ولكل فرد فى الجيش بس اللى حصل النهاردة ضايق الكل !

ثالثا (لكل الشباب المنظمين للحفلة ولكل الشباب اللى كانوا هيشاركوا بفقرات فى الحفلة)

أنا اللى بقولكم أنا أسفه ليكم انكم فى الموقف دا
وانكم بجد أتظلمتم
بس قدر الله وما شاء فعل
وميهمكوش كلام حد بدام نواياكم كانت سليمة .

رابعا (للغلبان اللى بيقرا الموضوع)

أنا أسفه انى طولت عليك بس كان لازم أقول كل حاجة
أعذرونى لو كنت منفعلة فى بعض الألفاظ بس فعلا الموضوع يضايق !

وشكرا ليكم على وقتكم,,

آخــر قصائدى إليــك

(1)

اليوم جَمْعت أوراقى

ودفاترى القديمةَََ وأقلامى

وشربت نخبَ قصائدى

وداعبت قليلاً أشعارى

اليوم تحتضر الأحرفُ منى

اليومُ أودع كتاباتى

(2)

من أنا ؟

أشعرُ بوحدة تخللنى

وتتوحد مع وجدانى

أصبحت جزءً منى

لا يتركنى

مثلها مثل أحزانى

أحيانى لا ابالى

فلقد اعتدتُ المزاحَ

كى لا يعرف أحدُ كم أعانى

(3)

بررت جميعَ أخطائى

ولم أعترف بحماقاتى

فكنت أمسك بقلمى

وألعن فى علاقاتى

فتارة أبكى وتارة أندم

وتارة أمِلْ من كتاباتى

فيأبى قلمى أن يكتب

فلا يوجد حلُ لمآساتى

.(4)

أتجول بين قصائدى

فأرى كم كنت حمقاءَ

طفلةَ بلهاءَ

أفنيت على حبِ زائفِ أوراقَ

ماضى يندح أخطاءَ

أبتعدُ فأجد نفسى راكضةً إليك

كما لو كنت أحتضر ووجدت الدواءَ

أرهقنى جحيمُ حبك

وأضعت سنيناً من عمرى هباءَ

(5)

صادفت قصيدةً قديمة

بعنوان أعز صديقاتى

أتذكرها جيدا

فلقد كُتِبَت لإحدى رفيقاتى

ولكن كُتبت قبل خيانتها لى

وأصبحت الآن من الماضى

ماضى لا أفخر به

فلقد كثرت فيه ذلاتى

(6)

فأُكمل بين الصفحاتِ تجوالى

فهنا دمعة

وهنا بسمة

كم هى مشتتةُ أفكارى

كم كنت حنونةَ الكلمات

وأحياناً متذمرة

ومتمردة

ومتنمرة

كم كانت متقلبةً أوضاعى

(7)

أسقمنى الحبُ أعوامَ

وترحلت بين الشطآنِ

رافقت الوحدة

واعتدت الغربة

وتجرعت كؤوسَ الحرمانِِ

أصبحت كصخرةِ

لا ترى فى وجهى تعبيراتَ

أهجر أوراقى

وأقرربأنى

لن أكتب لك شعراً بعد اليومِ

فيعلن قلبى العصيانَ

(8)

يرِق إليك ..

قلبى الأحمقُ

مازال يحتفظ بحبهِ

يأبى أن ينساك

وسئمت من اقناعِه

كيف نسى من اغتاله ؟

واستباح قتله ؟

ردَ قلبى

"عزيزتى ... لا تقلقى ..

كيف يُجرَح قلباً

بعد موتِه ؟؟"

(9)

أسخر منى كيفما شئت

ولكنك مازلت قلبى أنا

أعلن عصيانك إن أردت

ولكن لن يذلنى يوماً الهوى

لن أتركك محتفظاً به

فهو حبُ ليس لنا

ألا تتذكر انه بأرخص ثمن باعنا؟

أنا أمرأة لا أتذلل

وان كنت يا قلبى نقطةَ ضعفى

فصدقنى سأختار الردى !

(10)

تحاصرنى ملامحه حين أكتب

كم أفتقد أن أكون حُرة !

أدعى اللامبالاةَ فى كبرٍ

فيفتقدك قلبى

فيسلُبنى القوة

يجتاح عشقك تفكيرى

وحبك يسكن وجدانى

أصبحت كبلادٍ محتلة

(11)

ولكنِ مللت

مللت منك

مللت أفعالك

مللت الكتابة عنك

مللت تصديق أعذارك

نعم أحبك ونعم أفتقدك

ولكنِ مللت أنتظارك

لأنك .. لن تأتى يوماً

لتكفر عن أوزارك !

دعنى وشأنى

فبعد اليومِ لن تنفعنى أقوالك.

(12)

دعنى ألملم ما تبقى منك

وما كتبته فيك من قصائد

فدعنى أشعل فيما تبقى منك النارَ

لعلها تطفأ نارا فى قلبى منذ سنينِ

دعنى أتأملها تحرق ما بيننا

دعنى أنسى مذاق الأسى ودمع الأنينِ

فللمرة الأولى سأشهد ناراً

تشفى جراحاً لا تزيدها وجعا ً !

لربما تريح قلبى فلقد أكتفى ألماً

(13)

سأمضى قدما

ورأسى عاليةًً

ولن تظل عينى للأبد باكيةً

هذا عصرى

وسأحيــــاهُ

لن يثقل كاهلى ذكرى

ولن يعنينى بعد اليوم لقياهُ

وان كان حبك دائى

سأتماثل الشفاء يوماً

فمازلت أحتفظ بكبريائى ..

Giving Up Doesn't Always Mean You Are Weak, .. Sometimes, It Just Means You're STRONG Enough To Let Go

♥

كل عام وأنتى بخير يا أمى

كل عام وامهات المسلمين ديما بخير
وربنا يخليكى ليا يا أمى يا أغلى وأهم حد فى حياتى
♥ ♥ ♥

لو قعدت أوفى فعلا فى جمايلك عمرى كله مش هلحق
ربنــــــا يحميكى ويحفظـــــــك ويخليكــــــى ليــا
يا ست الكل
ويا أغلـــى الحبايب

A sonnet for you

Shakespear once said

"Shall I compare thee to a summer's day?

Thou art more lovely and more tempera"

In a wonderful sonnet , he said those words to his beloved one

And today, my love,let me write you a sonnet because you are my beloved.

 Shall I protect you with a hug from the autumn wind.

With you I can smile I can laugh or even cry , I don`t have to pretend.

Every day I love you more ,every day to you "my heart" I send.

Shall I compare you to the rain drops.

Though you are softer and more tender.

Let me hold you close and make you feel warm.

Shall I compare you to a spring`s day.

And the beautiful smell of roses and write you a play.

Or shall I compare you to a summer`s day.

And ask you you to be with me and forever stay.

And to be forever with you I pray.

Let me be your knight ,your guardian , i`ll protect you from your own shade.

I belong to you and between your hands am a clay.

I will hold you close to my heart and on my shoulders you can lay .


......................

things on my mind

hey ?
i just wanted to talk a little bit . i feel so frustrated
it is so damn hard to pretend that u r some one that u aren`t . and when u try to be who u realy are, u find every one around u judging and accusing as isf u were a criminal or some kind of a jerk meanwhile u r just trying to be u !.
sometimes i just wish if i can do more but i don`t have the requirement so i find myself referred to as "limitted"
and i hate to be limited because i have so much to give !
but let just be hones to ourselves and forget about the pip talk cuz u r not a superman to just wear a different suit and be a different character.
Some people were born in a wrong environment and were raisen up by parents that can`t reach them or even understand them.
and the bigger disaster if they live in a society that doesn`t encourage them.
so no one tell me that they can do something some day
specially if that person was a girl
with a lot of things on her mind
but can do non of them !

بردو مجـــــــاش !

والجو برد

والهوا عمال يخبط فى البيبان

واقفه بستنى لسا فى مكانى

زهق منى الشباك

لسا بقول لنفسى

لو يعدى وأشوفه تانى

قلبى يقولى تانى ؟

حرام عليكى كفاياكى

دا السهر والليل شاكينلى منك

وأنا يا عينى مكسور

مش ذنبى انى قلبك !

طب اقول لمين يقولك

اننا تعبنالك سلف

دا حتى حيطان الاوضه

شمتانه فيكى

والنجوم اللى فكراها بتواسيكى

كل ليله تضحك عليكى

مجنونه ديا ؟

كل ليلة لسا واقفه مستنيه !

وكل نجمة تسأل التانيه

بردو معداش ؟

يقولولها ..

زى كل ليله

.

.

.

بردو مجـــــــــاش

Ten things i hate about you

طبعا معظمنا عارفين فيلم

Ten things I hate about you

والقصيدة اللى البطلة قالتها فى الفيلم بالعنوان دا بس انا اخدت الفكره وكتبت انا عشر حاجات تانيه

:D

يارب تعجبكم

:)

.................

i hate the way you know me so god damn well

and i hate the way you take care of me when am ill

i hate the way i feel when i hang up with you

i hate that no one understand me the way you do

i hate that i got to know you so damn late

i hate that you may be not my fate

i hate the way i keep picturing you in my mind

and the way your image never go off my sight

i hate that this all can be wrong

but i also hate that it feels so right !!

" THIS IS 4 U "

" my little own wonderful world...and u know what i mean"

Never say I love you

Never say I love you.....

if you don't really care

Never talk about feelings.....

if you they aren't really there

Never hold my hand......

if you're going to break my heart

Never say you're going to.....

if you don't plan to start

Never look me in the eye....

if all you do is lie

Never say hello....

if you really mean goodbye

if you really mean forever......

then say you'll try

Never say forever......

'cuz forever makes me cry

by...
Sunni Merritt

خليك فى حالك .... بس مش أوى يعنى:D !!!

خليك فى حالك .... بس مش أوى يعنى:D !!!

.......................................................................

طبعا كلنا عارفين ان احنا كشعب مصرى بنموت فى حاجة اسمها "نحشر نفسنا فى اللى ملناش فيه!!" يمكن دى طبيعة فى البشر إن عندهم حب المعرفة وحب الإستطلاع والفضول الزايد أحيانا لدرجة تغيظ !!

المهم إن كل واحد فينا ساعات بتشده حاجات وبيبقى عايز يعرف عنها حاجات أكتر .. لو الحاجة اللى عايز يعرف عنها أكتر دى هتفيده فى حياته أو هترضى فضوله بشكل لائق ..يعنى مثلا أنا عايزه أعرف الطبخة الحلوه دى اتعملت أزاى ؟ أو أختى عايزه تعرف توصل للمكان الفلانى دا ازاى ؟ أو واحده عايزه تعرف عن الماده الفلانيه معلومات أكتر ؟!

مفيش مانع فى الحالات دى إننا فعلا نرضى فضولنا ونحاول نعرف اللى عايزين نعرفه بطريقة كويسه بدام مش بنضر حد ولا نفسنا والسلام .

إنما نيجى للصنف التانى .. للناس اللى بتتغذى فقط على الأخبار المتسربة من بيت الجيران أو سبب خناقة فُلان مع عِلان فى الشارع !! أو البت دى بتعمل ايه ؟ومصاحبه مين؟ وبتروح فين وبتيجى منين؟ والواد دا مرتبط ولا لأ؟ وبيذاكر ولا لأ؟ معجب بأنهى بنت ؟!!

مش عارفة أقول ايه !! يعنى هيحصل ايه يعنى لو بطلنا نحشر نفسنا فى اللى ملناش فيه ليه مش نخلينا فى حالنا بدام هندخل فى حاجة لا تعنينا !!

لو لينا شأن فى الحاجة دى ماشى اتحشر براحتك أو لو تقدر تغير حال بلد بحالها مثلا ماشى اتفضل أنت تشرف !!

بس معظم الأوقات صدقونى أسلم حاجة انك تخليك فى حالك

وأنا اتعلمت كدا بالطريقة الصعبة هههه ! هحكيلكوا على موقف حصل من كام يوم معايا وكل ما أفتكر أضحــــــــــــــك !! وصدقونىعمرى ما هنساه أبدا ههههه !!!

كنا طالعين من الكلية ووقفنا عشان نركب تاكسى وكالعاده وقفنا كتير عما باشا من البشاوات سواقين التاكسى يتكرموا ويتعطفوا علينا ويكونوا راحين الحته اللى احنا راحينها "اصلهم اليومين دول بيبقوا محددين اماكنهم !!ومبيرحوش غيرها لو عملت قرد !!"

وآخر لما زهقت سبت صاحبتى تحاول تشوف هى تاكسى شويه بقا وانا وقفت سرحانه فى اللى رايح واللى جاى وفاجئه وأناواقفه عدى عليا بنت تقريبا فى نفس سننا بس ما شاء الله عاللى عملاه فى روحها يعنى من النوع اللى لما يعدى عليك تقول "دا أحنا مش بنات يا جدعان !!" هههه

بس عماله أقول فى دماغى بس لو تعمل الطرحه كذا والمكياج بتاعها أوفر أوى ومكياج عنيها مش عارفه ماله !! فى جاية تاكسى فاضى فقلت انتهز الفرصة وأحاول أوقفه بس تقريبا عقلى كان لسا شارد

وراحه أقول مكسيم "الحته اللى راحينها " لاقتنى بقول ... مكيااااااااااااااااااج !!!!!

لأ واييييييييييييه !! فى وسط الناس والمحلات وناس رايحه وجاية وأنا بصوت عالى وبكل ثقة مكياااااج

يااااااه طبعا مش محتاجة أقولكم منظرى كان عامل أزاى ولا اللى حواليا كانوا بيبصولى باستغراب ازاى ؟؟ ظنا منهم ان فى حته اسمها مكياج اصلا ههههههههه

وكالعادة بعد كام ثانيه عما استوعبت أنا ايه اللى قلته دا !! جاتلى هستيريا ضحك ومبطلتش ضحك على الموقف لحد ما روحت وكل ما افتكره اضحك لحد يومنا هذا واقول فى نفسى .....

اهو دا أخر اللى يشغل دماغه بحد !!!

خلاصة الكلام .. ليه مش نخلينا فى حالنا !! نركز على نفسنا وبس ولو فينا حاجة عايزه تتغير للأحسن ليه لأ مش نبدأ بينا أحنا؟ ولو قادرين وبكرر لووو قادرين وفى مقدرتنا اننا نغير حاجة مش فينا .. فى حد من اللى حوالينا مثلا أو فى المجتمع اللى عايشين فيه نفسه للأحسن

ساعتها ممكن أقولك ليــــه لأ ؟؟!!

Go ahead be my guest

أنا لو أذيته !!

انا لو اذيته غصب عنى عملت فيه كدا ليه

خليته جمبى ولا يوم بقيت عليه

حاسسنى فى بعده عنى انى هضيع من ايديه

وانا عمرى ما حسيت بروحى الا وانا فى حضن عنيه

عرفت انه هيفضل جمبى وثقت فيه

هان عليه كلامى وضيع ثقتى فيه

كنت بحب غيره ولما قرب جرح نفسه بايديه

الحياه بقت مستحيله سبته وجريت عليه

كنت مهما ابعد كنت بهرب منى ليه

انا لو اذيته غصب عنى عملت فيه كدا ليه

قربت منه عرفت الحب وشوفت معانيه

وعلى اد ما كان طيب جرحنى هو بايديه

وفجأه لقيت الغدر والكدب مالى عنيه

زيه زى غيره ولا حاجة تمرت فيه

لا عشره ولا كلام ولا شوق لعنيه

بتقول ظلماك طيب ومبعدتش ليه

ليه كملت معايا كنت مستنى ايه

مستنى ترد جرحك ولا القلم قلمين

مبروك قلبى بيقولك جرحك وصل ليه

زيه زى غيره ولا حاجة تمرت فيه

اه يا ابــو شامه

اه يا ابو شامه يا شاغلنى بقالك كام يوم

يا محير قلبى ومسهرنى ومبدوقش النوم

منا كنت نسيتك فكرتنى ليه بيك

اعمل بقا ايه بعد ما علقتنى بيك

بستنى خصامك لسكاتك ايام وايام

والكلمة منك تعشمنى لسنين أدام

والقلب بيسأل فينك أنا مش حمل ملام

كلمنى عنك وأخبارك دا التقل حرام

بتدارى عيونك بالنضاره قال يعنى مش شايفه اللى فيهم !

وكسوفك بيبان بجداره مهما تداريهم

اتبختر يا جميل فى الشارع دا مفيش فى جمالك اتنين

ونور يا قمر الحارة واحرق قلب الحاسدين

قلبى وقلبك مبقوش خلاص اتنين

بقوا واحد والقمر والليل علينا شاهدين